علامه ما ينابيني علامه=ويخفي ما بقلبه من ملامه
ويخلف سنة العشاق عنها=ومثله ما يغابي في كلامه
وهذه صفحة القرطاس عندي=وقرب لي دواة يا سلامه
أبا اكتب لي كلام به سلام=على بعد التنايف والمهامه
يروح بها النسيم إليا تعلا=وريح المسك مختوم ختامه
أبا اجبر قلب من فيها خليع =صريع بدد الهجران لامه
يسلم كلما صفيت اصلي =ويفطر في هواها من صيامه
وصاله غيرها مادام ينسى =ويذكرها ويقحص من منامه
وحالي حلها طول التجني =كرسم دارس خفيت علامه
براني صدودها وقصور حظي=ومطل وعودها بري القلامه
بجور دايم منها وصد =وهجران إلى يوم القيامه
أراها بينهن واصد عنها =صدود المستحي شرب المدامه
وأنا لي نظرة بالقلب تقفي =وتقبل عبرتي منها ولامه
وراح وباح وصله لي وصبري=وتشلع في هوى مي خيامه
وقالوا صف حلاياها وصفها =ووصفي قاصر عن ريم رامه
سواد الناس في عيني عباة =وهي مصيوغة عندي علامه
ولها غرة كالشمس وابهى =إلى صلى محمد هي إمامه
ومنها سابل شهد مصفى =وبين اشفاه هي ويا نظامه
وكل البيض من دونه بوصفي=ولا وصلن حدر من حزامه
وقالوا نال منها ماتمنى =وانا مانلت منها إلا الندامه
تواعدني بحول غب حول=وتفصلني بقولتها السلامه
فكم لي عاذل من غير لب =يعرض بالنصيحه والملامه
خلي البال همه غير همي =ومثل الفيل نفعه في عظامه
حبيب حين يضحك لي وهو لي =عدو ما عدت قلبي سهامه
لكن عيونها تقصي وتدني =بقلوب أهل الهوى لعاب دامه
يهم الشيخ فيها والبخت لي =ولو بيني وبينه ذا القوامه
هواهن والسهر والبين قلبي =وعرضتها العوافي بالسلامه
وجيد أتلع منها وجبين =ورفراف كما ريش النعامه
تقول دواك من بين الشفايا =وذاك السيف مدم من لثامه
وشامة ناظره كالبرق توضي =يمين الزلف يسار عن وشامه
تريف فياضها وتزهى رياضه =ولو بيني وبين أهله قوامه
واخير البعد والقب يتقضى =وحياة اخيرها يا مي خامه
عسالي يوم يسمع لي زماني =علامه ما ينابيني علامه