ياكاتب اكتب من كلامي مبادي=اكتب كلامٍ منتهاه ومشده
باسم الكريم اللي على خير هادي=يااللي دفعت القاف هذا مرده
هذا مرده من غرايز فؤادي=ويفداك من جود على القيل سده
القيل يوصف لون قرط الهوادي=يخطي الهدف ويصيب ويطيح قده
ياجبر قلت وكل قولك وكادي=كلٍ يشوف من اقرب الناس ضده
هذا مرض ومصيب حضر وبوادي=لكن هل الطينة لهم نوع غده
البدو لاطال الزعل والعنادي=يجلى الزعل عن خطر البدو شده
كلٍ عن الثاني نزح له بوادي=والله عطاهم سهلةٍ مسمهده
والا زمان اليوم بيد بيادي=للخير به داعي وله من يلده
لا قمت من دافع وفا واجتهادي=تبي تلصح مايلٍ ويش نده
ان شيل مانقص ولا انكب زادي=ثم اعتزى خطو العماوي بجده
كنك على حدا السمارين عادي=والا يقول اللي وراك انت عده
سود عليك ولا يسد السوادي= يهز مشعابه عليك ويمده
يقول:انا كحيلان والا المرادي=لاتعترض لك واحدٍ ما انت قده
جدي وابويه من صقور الهدادي=اضرب بسيفٍ يقطع الراس حده
قلنا هبوبك ماتذر الرمادي=ياللي سريت بمشعل الشيخ قده
درويش غادي مايقدى قوادي=صياح ليلٍ بالزرايب يوده
خبلٍ من اذنه مايشيل القرادي=جاب الشرك لابليس وابليس مده

اخوى
ذعذاع الشمال
القصيده للشاعر المرحوم
سبيل بن سند الله يرحمه ودمت أخوي ذعذاع
على الاضافه الجزله تحيتي