(اثنين) (سته) بينهن حط؟( صفرين)=تاريخ سوى في ظميري هوايل
(ثنين)( واحد) من بعد (عصرالاثنين)=(الساعة أربع) مع دقايق قلايل
(ذاك النهار) اللي منه خاطري (شين)=(حل الفراق) اللي به الشك زايل
فارقت من حبه رجح بالموازين=غلاه في كل الموازين مايل
أستغفر الله فوقها بالغلا أثنين=(الوالدين) اللي على الراس شايل
ماغيرهم صارو عليها متعالين=ياتي بعدهم حب ظاف الجدايل
ودعتها في وسط جمع المصلين=وأعلنت ياسي قبل اسوق الرحايل
قفيت لكن صوبها تنظر العين=وسقت النظر صوب القبر والنثايل
رجعت قالو (ياعلي) رايحن وين=على النصايب قلت أبأكتب مثايل
قالو نعرفك رجل لا تصير مسكين=مثلك رجوعه عيب يا بن الحمايل
قلت اه ياربعٍُِن على القلب غالين=في أكسبو لو ربع ساعه جمايل
تكفون ياللي تلحقون المخلين=الله من قطع الرجاء و العقايل
قالو أجل عجل عن القبر مقفين=يحاولون أقنع أبشتا الوسايل
وعلى نصايب قبر ها يسار ويمين=رسمت ذكرى ظلوع قلبن نحايل
ورسمت قلب وسهم من بين قوسين=متوازي الظلاع ورسم مايل
وسجلت تحت الرسم ياسين ياسين=رمز الو فاء ياللي طلبت الدلايل
إرسوم ذكرى محب فارق محبين=على نصايب قبر بديار حايل