بداية ً من (عسـاك بخيـر وشلونـك) = مروراً بـ(صرت احس ّ بشوق لعيونك)
تعريجا ً بـ(ليتني عارفك مـن مبطـي) = نهاية ً في (عجزت اعيش من دونـك)
هـذي تفاصيـل لحكـايـه غرامـيـه = بيني وبينك وكيف اصبحـت مجنونـك
يعنـي ماحبّيتـك مـن البـاب للطاقـه = ركّز معي زين جعـل البيـض يفدونـك
كنّـا نـدردش ونستسخـف علاقتنـا = ماشي على هوني وماشي على هونـك
ابليـس مـالـه بسكّتـنـا ولانـيّـه = مانحسب حساب وظنوني هي ظنونـك
بنضيّع الوقـت ميـر الوقـت ضيّعنـا = فجـأه تغيّـر بعينـي شكلـك ولونـك
اصبحت احبك وافكـر فيـك واحتاجـك = واهتم ّ بك واشفق لشوفتـك واصونـك
واليا حزنـت بعيونـي تحـزن الدنيـا = والارض تضحك فرح من ضحكة سنونك
ابختصـر لـك علاقتـنـا وترجمـهـا = قبل تعشقنـي وقبـل اصيـر مفتونـك
نسمـع بهـم الغـرام ولاشقينـا بـه = ونقول ياعشق وش فيهـم يسبونـك؟
بنضيّع الوقـت ميـر الوقـت ضيّعنـا = واصبحت مااقدر اعيش العمر من دونك