مجالس الفرده - مقابرنا....ملايا../ (كيف حالك يامقابرنا؟)


	مقابرنا ملايا كيف حالك يامقابرنا=وكيف اللي قبل عامين رحل يمك ترك داره وكيف اهلك وسكانك عسى ربي يصبرنا=وعسى كل من فقد غالي تكون النفس صباره سألتك من يرد الصوت مقابر من يخبّرنا=عن اللي فيك في جوفك مقابر وشهي أخباره ترى إحنا وسط هـــ الدنيا مصايبها تكسر نا=نقاومها تقاومنا نعدلها ودوّاره نعيش الظلم ياموتى سمعتوا في مجازرنا=نعيش الهون ياموتى ونسكن داخل أسواره قسم بالله يا موتى ترى حِنّا يــحاصرنا=عدو الله ولا واحد ترى منا أخذ ثاره يموت اطفال تترمل نساء والحزن يأسرنا=تموت اعراضنا فينا رجوله جفّت آبارهــ هنا غزّه بكت دمّه وحنّا يا محاجرنا=ولا همّك بكا غزّه ولا بغداد يا عاره نموت و نذكر الماضي و نحكي عن مآثرنا=ياعمي قوم لا تحكي غدينا ناس ثرثاره نعم كنّا ملوك الارض و أخلقنا و داثرنا=ذرتهْ الريٍح للمنفى وعشنا داخل غباره تكاثرنا تكاثرنا خساره يا تكاثرنا=وصرنا كثاااار يامليار ياعمي وين ملياره جسدنا صار يتقطع وأشوف إنا تبــعثرنا=ونار الكفر تأكلنا ولاعاد انطفت ناره حيارى تايهين بموطني والكفر دمّرنا=جرايم ترتكب فينا وحنا نِسْدل ستاره نتابع كأس هالعالم نحسب إنّا تطورنا=نشجع نزعل ونغضب خسرنا بصوت صفّاره قسم بالله حتى باللعب ما اكبر خسايرنا=خساير في خساير في خساير ياهي بشاره مقابر يا معاشر سابقينا يا معاشرنا=سلام كرام تلويحة غمام وثجة امطاره سبقتونا على بعض الأماكن في مقابرنا=و أخاف نموت مانلقى مقابر تكمل الغاره