الشيخ حجاب بن عبدالله بن نحيت
وهجائيه لرموز الحكم الايراني

تعودتي على قفز الحواجزلو بلا رجلين=وصلتي للحدود الحمر لاوالله تعديتي
مثل قفز الافاعي بالهجوم اللي لها راسين=تخدعين العيون المبصرات إيلا تلويتي
تشوف الناس راس يسار لكن فيه راس إيمين=إليا جيتي تقل رحتي وإليا رحتي تقل جيتي
وصدقناك يوم إنك تجللتي جلال الدين=خدعتينا وقلتي ذى تلاوه يوم غنيتي
رفضنا قول من قال إنها تلعب على الحبلين=وقفنا كلنا جنبك إلين إنك تقويتي
وأخذتي جزر ابو موسى وطنب الابعد طنبين=وغرك صبرنا المحمودلين إنك تساويتي
نشوف إنك غلطتي مار قلنا يمكن تعقلين=الين إنه نفد صبر الرجال اللى تحديتي
ولمحتي على البحرين واشتاطو هلى البحرين=إماراتي سعودي وقطرى وعماني كويتي
أجل قولى بعد بكرهحدودى بوظبي والعين=إليا وصلت إلى البحرين قولي ويش خليتي
بك أطماع مثل جاركبعدوى من حدى الجارين=تخبرينه تعدى هو مثل مانتي تعديتي
على وجهين مشتغله ويمكن غيرهن وجهين=أسّري ماتبيحينه وأبيحي ما أسريتي
من أخرب ديرة أهل العلم والبترول والنهرين=هي انتي لين وصلت وضعها اللي قد تمنيتي
وأهل غزه نساء وأطفال الى هالحين مدفونين=تحت أنقاضها وأسبابها انتي لو تخفيني
من اللي مادرى انه صاير لبنان لبنانين=وش اللي جاه غير احزابك اللي قد تبنيتي
من اللي خرب الإلفه من من الثوره إلى هالحين=هو أانتي مثل عاداتك وغيره ويش سويتي
تسوين الفضايح بإعتبار إن مالعرب دارين=عرفناها بوضوح تام يوم إنك تماديتي
نعرف الصاحب المقبل وهو مع صفة القفين=مثل مانعرف إنك مبعده مهما تدانيتي
تجرينا من العليا لمستنقعك ومعيين= وإلا قلنا أرتقي لاجل التفاهم فوق عييتي
يبي لك ضربتين أوهن ثلاث إلين تتربين=مثل صدام لين توقعين إنك تربيتي