مجالس الفرده - احذر عدوك .... قصيدة أعجبتني

قصيدة للمبدع دائما للشاعر الأمير خالد الفيصل

كلٍ يعوّد لأصل جده ومرباه
راعي الشرف يشرف والأنذال يهبون
الفرع من عوده شرابه ومسقاه
والحنظله مره ولو تشرب مزون
الطيب كايد والمناعير تقواه
والهون هين تدنع النفس وتهون
ناسٍ على كسب المراجل مضراه
وناسٍ على كسب الفشيله يضرون
هذا على وضح النقا كل ممشاه
وهذا إليا شافوه ربعه يصدون
لا تامن الخوان لو زخرف حكاه
من خان بك مره يبي باكر يخون
وافطن ترى زول الرجاجيل تواه
كم واحدٍ يعجبك زوله وهو دون
ياطيّب الشارات من يوم منشاه
احذر عدوك لا يغدرك على هون
ترى عدوك غايته فيك ومناه
يزرع بصدرك من قنا رمحه طعون
واللي رضع لبوة عدوك توقاه
الجرو ولد اللبوة اللي تعرفون
للطير يالصقار بالريش مغواه
الجاهل اللي باكثر الريش مفتون
للحر والشبوط ماكر ومجناه
والفرق بالأفعال لوهم يطيرون

وغذا لعدم تنسيق القصيدة ودمتم على المعزة سالمين