لا زاد هم الحياة وزان بدع القصيد=تطري علي فكرتي وفك بيبانها
وصوغها من رها وجيب شي فريد=حتى تلالا معانيها وقيفانها
والقصد ماهو حكي والا مجرد نشيد=لوالله الا غثا بقعا وطغيانها
وان كان مالك رفيق معك رايه سديد=منتب جسورآ على الدنيا وركبانها
دور رفيقآ صمول فزعته ماتحيد=وقفته مثل الفرج تاتي في محيانها
وش حاجتك بالرفيق الي قريب بعيد=لاحتجتله صد عجل وخوتك خانها
من حبك المصلحه لا تجعله لك عضيد=لا راحت المصلحه خلاك من شانها
ان اشهد ان الرفيق الكفو مثل الرصيد=تلقاه لا كشرت بقعا بنيبانها
ياقف معك وقفتن يلين منها الحديد=عند الرجال العوارف ياكبر شانها
اما كسر لك عظم والا قطعلك وريد=والا منع فورة الدعوا وطوفانها
بأي شكل وثمن حاضر وباسه شديد=يدحر غثا المشكله لا شاخ شيطانها