لآضاق صدرك عالي الصوت جره**لو كان قلبك مايطاوعك مسرور. لآضاق صدرك عالي الصوت جره=لو كان قلبك ما يطاوعك مسرور دنيـــــاك لو تسوى من الحِزن ذرّه=ما كان تاليها توابيت وقبــور وما كــــــــــان للكافر بعمره مسره=وما شفت في ملكه ملايين وقصور العمر يمضي بين حــــــــــلوه ومره=والموت حق وقابض الروح مأمور دام الحيــــــــــــــــاه الفانية مستقره=ورزقك يجيك وبين الأجواد مستور لاتنشغل بالــــــــــوقت برده وحره=واحذر تصير بقسمة الناس مقهور وحكم القدر لاجـــاك خيره وشره=أشكر عظيم الشان والذنب مغفور والمجلس اللي يزعجك لا تمره=خله تراك بشوفته منت مجبور والرجل سقها في صحاصيح بره=ومد النظر مابين ريضان وزهور لا صار وجه القاع ما فيه جره=والمشي حافي والثرى تو ممطور ساعات صمتٍ ما وراها مضره=تسوى الكلام اللي به إذنوب وإشرور أطلق خيالك وأترك النفس حره=وخل الطبيعه في حياتك لها دور وبالليل لا بانت نجوم المجّره=أذكر بديع الخلق بـِ إحـساس وشعور واسجد لرب الكُون مره ومره=وإحفظ لسانك وأترك الكذب والزور وفروض ربك خلها مستمره=وطاعتك لا يدخل بها نقص وقصور غزاي الحربي |
رد: لآضاق صدرك عالي الصوت جره**لو كان قلبك مايطاوعك مسرور. أطلق خيالك وأترك النفس حره وخل الطبيعه في حياتك لها دور الطرف الخجول صح لسان الشاعر غزاى الحربي وسلم القلم وصاحبه على النقل والنشر تحيتي |
رد: لآضاق صدرك عالي الصوت جره**لو كان قلبك مايطاوعك مسرور. الطرف الخجول شعر أجود من الجود جاد به الشاعر بكلماته العليلة على الروح والمنيرة للنظر ذائقة رووووعه أهنئك عليها يعطيك العافية |
رد: لآضاق صدرك عالي الصوت جره**لو كان قلبك مايطاوعك مسرور. صح لسان الشاعر غزاى الحربي وسلم القلم وصاحبه على النقل والنشر تحيتي |
رد: لآضاق صدرك عالي الصوت جره**لو كان قلبك مايطاوعك مسرور. صح لسان الشاعر شكراً الطرف الخجول على الايراد المهول لاهنتي |
رد: لآضاق صدرك عالي الصوت جره**لو كان قلبك مايطاوعك مسرور. تسلمون جميعا" مروركم تشرفت به و زاد متصفحي تألقا" |
الساعة الآن 01:53 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir