يامنير عمر لي من التتن معمار=يبري الغليل اللي على القلب كالي
واليا رفعت الصوت وابديت ماصار=من شان تدري ويش ولا بحالي
مكفاك مني سجتي بعض الأمرار=انهج جنوب وحاجتي بالشمالي
اركض مع الدنيا كما ركض دوار=ياما كسب زندي وياما غدى لي
الله على اللي عايروها بالامتار=طراز بنج (ن)شغلت بالعدالي
زادو هواها واطعموها من النار=حتى الأمبير المنجضع عد صالي
نشت سماء ماجربوها مع القار =طارت مطير الطير ربع الكحالي
تلفي على اللي في طرف هجر سنجار=يشدي جبل سنجار بين الجبالي
باطراف بيته للمواجيب شنكار=معلاق كبش عند راعيه غالي
ثم قل لبو بندر ترى الوقت دوار=يفطن تراني منفعه لو شكا لي
ان زان وقته صار بالسلك يندار=وان شان قص مروبعات الحبالي
كم واحد بين العماهيج هذار=مغترته نفسه بكبر الضلالي
يبلس على ربعه ويدنع باالأسوار=ويعد نفسه من حساب الرجالي