كل شـبـر بهالوسعيـه ملـك ربـي تـعـلـمـيـــــن=وأعلم إن اللي خلقني هو خلق لـك هالعيـون
لكن انــتي مــن جلستي وانتـي فينـي تحدقيـن=كن ما به ناس غــيري بهالكراسـي يجلسـون
لو سمحتي عاد أسمعي وحتى لو ما تسمحيـن=المهـم اللـي بقولـه تسمعيـنـه و يـسـمـعـــــون
ع الأقــــل ليا نظــرتك سـوي روحـك تستحيـن=غضي طرفك مثل غيرك خوف ربعي يلمحون
الركادة عاد زينة والـحـيـــاء فـي البنـت زيـن=وفيـك جآزم لا ركـادة ولا حيـــاءٍ يـذكــــــرون
تعرفينـي أعرفـك ماأذكـر إنــا ملتقـيـن=لا أعرفك من تكوني و لا تعرفي مـن أكــون
وإطمأني إن كان قصدك بس فينـي تشبهيـن=ما هـو أنـا إلي تعرفيـه والبشـر يتشابهــون
مـا دريتـي من التشابـه يخلـق الله أربعيــن=وأعرف أربع يشبهنك بـس والله يستحــون
وإن كان قصدك شي ثاني عاد قولي وش تـبـيـن=خايف إنا نصير فرجة وإللي ماشتروا يتفرجـون
وإذا ببالك عاجبتنـي لا يحـوشـــك تحلـميـن=صح ربعي من جمالك فيـك صـار يمدحـون
بس وش لي في حلاتك دام فيهـا ترخصيـن=حشمة البنـت وحياهــــا والكرامـة يلفتـون
ولو توفر فيك هـذا مـع حـــلاتـك تبشريـن=ما هو أنا ألف غيري بـاب بيتـك يطرقـون
وش علامك رغم كل اللي أقــولـه وتسكتيـن=مو طبيعي هالسكوت وهالبـرود وهالسكـون
إنتـي خرسـا أسألـك ولا منتي تسمعـيـــن=قالوا ربعي ذي كفيفـة قلـت لا لا تمزحـون
لين شفتك يوم رحتـي يمسكونـك باليديــن=ما دريت إلا عيونـي أربـع أربـع يذرفـون
آه ياني منه مـشـهــــــــد يـوم شفتـك ترحليـن=جيت اشوف عيون ربعي لقيت الكـل يدمعـون
قلت سنّـة هالحيـاة وحـن تـرانـا مــؤمنـيــن=الله اللـي مسيّرنّـا بيـن كافـ وبـيــــــن نــون
وكل أبونا نختلف مع إننا مـن أصــــل طيـن=سبحان يلي مصورنا ولله في خلقـه شـؤون
يعني حنا كل أبونـا عــــاد إسمنـا بنادميـن=وليا قضى ربك أمر وقـال لـه كـن فيكـون
فـينـــا يلـي رازقـــه خـيــــر رب العالمــيـن=وفينا يلي هو لعطفه بحاجة القلـب الحنـون
وفينا يلي مـا شكـى مـن علـةٍ كالآخريـن=صـمٌ و بكــــــمٌ و عمـيٌ فـهـم لا يفقـهـون
بس قليل عــــاد فينـا للنعـم هـــــم شاكـــريـن=والله يرزق هالخلايق من حيث هم لا يعلمون
وتدري عـــاد يالكفيفة حـنـــا تـــراى متشابهيـن=وإن ماانعمت أبصارنا قلوبنا هـم إللي يعتمـون
يالكفيفة يالعفيفـة إن قـلــت آســف تـقـبـلــن=يغفر الله ذنوب عبده ليا خطا وهـل تغفـرون