|
هذا هو حال [ المفارق ] يووم يطري له الغرام هذا هو حال [ المفارق ] يووم يطري له الغرام ضاق صدري و رحت افضفض قاصد ٍ نفس الرصيف=شفت نور الحي زايد و آنا خبري به ظلام و الغريب انه خفوقي زاد نبضه مدري كيف=كني طفل ٍ يبكي خايف .. ضايع ٍ وسط الزحام اثْرها كانت وراي .. و الضيا ما كان طيف=قبل ما اوقف و اسلّم .. قلبي المشتاق قام ما طرى في بالي الا يا بَخَت من لك وليف=عينها بعيني .. و نظره .. رجعتني كم عام فجأه شفت اشجار تخضر و هْيَ في عز الخريف=و هذا هو حال المفارِق يوم يطري له الغرام يبتسم .. يشبه بشوقه .. للنظر شخص ٍ كفيف=الأمل ضايع .. ولكن .. الأماني مو حرام الثواني تمر و تمضي .. اشهد ان الوقت سيف=فجأه قالت ( كيف حالك ) قبل ما ارمي السلام كنت احسْب اني قوي لين اكتشفت احساسي زيف=ما عرفت انطق بكلمه .. شاعر و خانه الكلام كيف اقول اني بخير و باين بقلبي النزيف=و الملامح بان فيها عين ما عادت تنام مرتبك .. واقف .. و ساكت .. انفض غبار الرصيف=بالعجل هزيت راسي يعني اخباري تمام و انسحبت بْلا تردد لني انسان ٍ ضعيف=و القوي لا شاف موته .. يوم يضعف ما يلام |
رد: هذا هو حال [ المفارق ] يووم يطري له الغرام القديره ميس الريم لا أشك ابداً بذائقتك الشعريه وأقدر لك إختيارك كريمه دائماً معنا بطرحك ونقلك الراقي وهذا من رقيك دمتي ودام متصفحك تحيتي |
رد: هذا هو حال [ المفارق ] يووم يطري له الغرام اختي ميس كريمه دائماً معنا بطرحك ونقلك الراقي وهذا من رقيك دمتي ودام متصفحك |
رد: هذا هو حال [ المفارق ] يووم يطري له الغرام اقتباس: المشاركة الأصلية كتبت بواسطة غازى بن عجاب أبوزوايد http://www.alfredah.net/forum/alfred...s/viewpost.gif القديره ميس الريم لا أشك ابداً بذائقتك الشعريه وأقدر لك إختيارك كريمه دائماً معنا بطرحك ونقلك الراقي وهذا من رقيك دمتي ودام متصفحك تحيتي أخي غازي بن عجاب عسى الشك في دينك ما يزاولك وعسى ربي يزيدك من كرمه في حسن المنطق كرما وبارك الله في مرورك شكرا جزيلا |
رد: هذا هو حال [ المفارق ] يووم يطري له الغرام اقتباس: المشاركة الأصلية كتبت بواسطة النمر الارقط http://www.alfredah.net/forum/alfred...s/viewpost.gif اختي ميس كريمه دائماً معنا بطرحك ونقلك الراقي وهذا من رقيك دمتي ودام متصفحك أخي النمر الأرقط الله يزيد كرما يبارك فيه في عمرك وعافيتك شكرا لك شكرا جزيلا |
| الساعة الآن 05:13 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir