مـا سـألتـوا صـاحـب النظـرة الخجـولـة=كيـف يـسـهـرنـي ولـه وجـهٍ صبـوح
كيـف يظـلـمـني وله طـهـر الطـفـولـة=كيـف يـفـتـنـّي وهـو دايـــــم يــروح
وكيـف أنـا ألقـى ربـيـعه فـي فصـولـه=دام كـذبـه صـادق وصـدقــه مـــزوح
لـه صـفـاتٍ تـورد العـاشــق ذهـولـه=مسـتـكـيـن صـامـت وكـلـّه جـمـــــــوح
أصـعـب الأشـيـاء و أكثـرهـا سهـولـه=أغـمـض الأشـيـاء و أكثـرهـا وضــوح
سهـل تـغـرم بـه وصـعـب إنك تنـولـه=غـامـضٍ طـبعـه وواضـح فـي الجـروح
أسـعـد بشـوفـه ولكـن مـا أطـولـه=كنّـي الـوادي وهـو أعـلى السـفـوح
يـبتـسـم لا مـنهـم عنّـي حكـوا لـه=ولا حكـوا لـي عنه أعـمـاقي تـنــــوح
لـي بقـلبـه شـيٍ لكـن مـا يقـولـه=ولـه بـقـلبـي كـلّ و لكـنّـي أبــــــوح
كنّـه الغيـمـه و انـا أرجـي هطـولـه=مـا نـزل غـيثـه ولا بـرقـه يـلــــــوح
مـا عـرفـتـوا ليـش تسهـرني فعـولـه=وليـه يـسكـنّـي وهـو دايـم يــــــروح
هـو يـبـيـني بـسّ أطبـاعـه خجـولـه=ومـا يـبـيـني أغـفـا وهـو وجهـه صبـوح