مجالس الفرده - يامالك القلب لازم تحرق اعصابي

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - يامالك القلب لازم تحرق اعصابي (http://www.alfredah.net/forum/threads/alfredah28476/)

يامالك القلب لازم تحرق اعصابي

يامالك القلب لازم تحرق اعصابي=فدوتك لو تحرق اعصابي وتتلفها
لاصرت تعرف غلاي وتعرف اعجابي=والحاجه اللي جهلها الناس تعرفها
ليه اتـّنرفز اذا غيركـ ،، تغـــنابي=وترجع لاغاني زمان اول وتعزفها
تـِهْزا بمنهو يقرّب لي ، وتهزابي=والنغزه اللي تبط الكبد تحذفها
وشلون لو مانت اعز الناس وادرابي=مسيرتي بالحياه اخاف تنســفها
مادمت تزعل ليامن كثرو احبابي=معناتها اعداي لو تكثر توالفـها
ماكل من ياقف بجنبي من اصحابي=بعض الاصاحيب مدري كيف اوصفها
لاتعطي اللي يبي المضراب مضرابي=خل الرديه رديه لاتخــطفها
لوشفت غيرك فـ غيرك ماتهنابي=من يوم شفتك وكل الناس شاطفـها
لاتشقي النفس ليه الناس تشقابي=كلمتك هذي دخيلك وين ابصرفها
مااقدر عن الريح اسكر يالغلا بابي=مايكسب الناس من حاول ، يخالفها
الطيّب اللي يجيني ، ياخذ ثيابي=واهل السوالف كفانا الله سوالفـها
انا ادري انك تحب اللعب باعصابي=فدوتك لو تحرق اعصابي وتتلفها

خلف مشعان