أعالج لوعة المغرم وتكبر لــــهفة المشتـــــاق=بحسـن رضاي اسوق اخطاي اقدم رجلي وفهقهـــا
اهوجس من طلوع الـشمس إليمى غيبة الإشفـــاق=ولا ادري في ظلام الليل رجلــــي وش يوافقهــا
ابصبر واتصبر مـير اظن الـــصبر مـــا يـنذاق=لـقيت الصبر مـــر ولو ينوش الـكبد يحرقهـــا
الا ياكملين المـعرفه ســـلك الـغرام دقــــاق=إلى صـاب القـلـوب الله يعــافينى يخرقهــــا
انا لي صـاحبن خده ورى الشيلـه كما البــــراق=بعرض المزنه اللي مثل شمس الظهــر بارقهـــــا
خلقــه الله وزين خلقهــا وخلاقهـا الخـــلاق=قــليل جنسها في جيلها سبحــان خالقهـــــا
لها عين إليـا لذت بها تذبحبهــا الــعشــــاق=لــها وصفين من عنق المها وطول عاتقهــــــا
إلى عرض علي آقف مثل وقفت كسير الســـــاق=وسعات الوداع اسرع من الكدلـك دقايقهـــــا
انا اعرف نـــاس ما تنقاد بـالدنيا ولا تنســـاق=ولـــو تعطيك عهد الله وأمــانه لا تصدقهـــا
تشوف ازوالهم مثل العرب مـــير الله الــــرزاق=متى مـاهب نسناس الهوى يظهــر حقايقهـــــا