مجالس الفرده - معك دقيقه لين تلقا الاجابه

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - معك دقيقه لين تلقا الاجابه (http://www.alfredah.net/forum/threads/alfredah27682/)

معك دقيقه لين تلقا الاجابه

يامـحـلا المجلاس في فيت اعصير=مـتـوسق حـد الـسـهل من هضـابـه
اول ربـيــع وتــو بــش الـنـواويــر=والارض لابــسـلـه جـديـد زهـابـــه
والـسـيـل بـاقـي بـالـمحاني مغادير=وتسمع صليل الما وصوت انسكابه
والطـيـر يـسجع بالحن والسماغير=صــافـي ويـعطي للمـشاعر رحابه
بـسـلـي الخـاطــر وقـدم مــعـاذير=لــروح عــن مـاصـابـهـا مــن كأبه
صـلاح لامـريـت راع الــمـباهير=راع الــدلال اللــي عــزيـز جنـابه
اللـي يـرحب وان لفوه المـسـايير=تــلــقــاه بــالـديـوان مـاصـك بـابه
مـسـاعداللي صخرالشعرتصخير=وغــنــا بـشعـره كل عازف ربابـه
قـلـه بلاش من التعب والمشاوير=والـمـنـبـر الـمزعـوم دونه طلاـبه
حـطـو مـعاني دونها رمز تشفير=ومــعـك دقـيـقـه لـين تلقا الاجابـه
يعـني على قول المثل طيرياطير=وكـلا عـلـى ماقيل يحسب حسابه
الـنــاس قالو في قـديـم الاساطير=ان لـم تـكـن ذيـب كـلـتـك الذيابه
ان كان عندك واسطه تبشربخير=واذا مــعـنـدك واسـطـه لاغـرابه
عـمـار عـود مثل ماعود اعمـير=لاصـاد لــه صــيــده ولابقا زهابه

مقبل بن حامد الحربي