قالت من انت ؟ وقلت مجموعة انسان=من كل ضد و ضد تلقين فيني
فيني نهار و ليل و افراح و احزان=أضحك و دمعي حايرٍ وسط عيني
فيني بداية وقت و نهاية أزمان=أشتاق باكر و أعطي أمسي حنيني
و أسقي قلوب الناس عشقٍ و ضميان=و أهدي حيارَى الدَّرب و احتار ويني
و احاوم صقور الهوا حوم نشوان=و اسيّل الوديان دمعٍ حزيني
في عيني اليمنى من الورد بستان=وفي عيني اليسرى عجاج السنيني
تهزمني النّجلا و انا ند فرسان=و اخفي طعوني و المحبَّه تبيني
و إن ما عرفتيني فلاني بزعلان=حتَّى أنا تراني أحترت فيني