عمتم مساءا ً ياهل النت والشـات=كلن حسب مايهتوي فـي مجالـه
النت نت ولكـن الشـات بلشـات=اكثر ماتلقى فـي نطاقـه احثالـه
وبكيفهم مانـي مـدور اطلابـات=مادامهـم خافيـن كلـن إبفـالـه
لكن مايزعج راعي العرف بالـذات=اللي يحسب المنتـدى لـه لحالـه
غره هواء نفسه ويرسـم خيـلات=قليل عرف ومعجبـن فـي مقالـه
يحسبه راعي عرف لكن سهـالات=مافيه جنبه كـود صـورة خيالـه
الفلسفه ماهي بعـرض العبـارات=تطلق على اللي فيه شبه استحالـه
ماودي افتـح خافيـات الملفـات=لجل أحتـرام المعرفـه والزمالـه
عمري مايسمح فوق .. بالاربعينات=تحسب علي اللي ماتحسب جمالـه
يعني تبي تبطون .. ياهل الحركات=راسي ماهزيتو طـوارف اعقالـه
اللي تبونه : ثامـن المستحيـلات=معيه فنجالـي واظفـرو بالبيالـه
الله عطاكـم وابتـدو بالمهـمـات=مال الشكاله غير نـاس الشكالـه
النور واضح والظلامـه ظلامـات=والكذب ماينفـع اقصـار ٍ إحبالـه
من قال مات أبليس وبليس مامات=ولو فرضنا مـات تبقـى اعيالـه
هذا هو الواقع وعندي لـه اثبـات=والحكم لاهل المعرفـه والجزالـه
نبراس من ضيع جميـع الـدلالات=اللي يهجس فيـه واللـي غدالـه
أقوالهـم ماعـززت بحتـمـالات=عـد التجـارب شاربينـن زلالـه
وأختامهـا ياصحابنـا ياباشـوات=كلن يـدور ويـن موقـع خمالـه