ياساعتي لو مات نبض المواقيت=وقت الفرح تـكفين لاتنكرينه
ياما من دلال التعاسه تـقهويت=وفنجال فرحي لالفى تاخذيـنه
شخص له بين الحنايا مية بيت=يعني له في جوف صدري مدينه
سكانها من يوم روح عفاريت=صارت خراب ومن بَعَده حزيـنـه
ياما كتمت اشواق قلبـي وهلّيت=دمعٍ تَـرَك صكّـات بقعا لعـيـنه
يـامـا بكيت من القهر ماتباكيت=ودمع العزيز بعـين ربعه غـبـيـنـه
الضيم مجرم والمشاعر طواغيت=والدمع والي والسعـاده رهـيـنـه
مليت عمري والدفاتر ومليت=ضحكٍ يجي من دون صدقٍ وزينه
كن البـشر قدام عيني توابيت=سودٍ تنادي للنَفَـسْ قبل حينه
اوحيت لكن من همومي فلاأوحيت=عندي تساوى كل زينه وشينه
ان غنّتالحمامه على الغصن غنيت=صوتٍ يغشّي بالشقى سامعينه
اللـيـل ياليلي تعاسه وتشتيت=والصبح ينهش بالخفوق ويهينه