الطيب والنخبه كسبهن عليان = رجل الشجاعه والكرم والعزيمه
يوم اعتزاء قدام حلوات الالبان = قال ابشروا ياحرب فوز وغنيمه
الفوز بالناموس عن كايناً كان = انتم هله حطوا عليه الوسيمه
من حقنا غصب على كل زعلان = واللي ماهو راضي يذب الخريمه
ولاخيرفي قولٍ على غير برهان = وقولٍ بلا برهان عيب وهزيمه
والطيب واجد عند ذربين الايمان = وكلن بحقه يالعقول الحكيمه
حنا هل الناموس في كل الاحيان = بايامنا اللي حاظره والقديمه
عادات حرب الفوز في كل ميدان = خصيمهم يصلاه هم الهزيمه
وارجع لبو فواز من قلب ولسان = اللي بنا في قمة المجد خيمه
واقول له مبروك ياطير حوران = مبروك فوزك يامروض خصيمه
مبروك فوزك في سلايل كحيلان = وضحن لها عند هل الوضح قيمه
وضحن عديمات الوصايف والاثمان = اقيامهن غير الطهيمي تضيمه

والقصيدة الثانيه :

يامشاري سمعت الفوز بالنخبه = احمد الله يوم ربي عطاناها
الطهيمي رجلٍ الطيب شامخبه = لا اعتزا جاب الجزيله من اقصاها
يوم جاء بامزاين البل ونوخبه = حقق اللي كل طيّب تمناها
غن ياجمهور بالفوز واطنخبه = صفقوا لعيون وضحاً قنيناها
كل واحد يرفع الصوت يصرخبه = حرب ابو فواز حقق لها امناها
الفريدي مركز العز شايخبه = جابله وضحاً زهتبه ويزهاها
نادراً حر وسماء العز يكفخبه = الحرار اللي تكافخ تعداها
يوم جمر المعركه صار ينفخبه = حرب بالميقاف تدحم به اعداها
يامشاري دفتر المجد تريخبه = قصتٍ تبقاء للأجيال تقراها
في ذرا سيفٍ نعزه ونطرخبه = كم عيونن في ملكنا كحلناها
اسم ابو متعب نجله ونكشخبه = درعنا اللي شوفته لاعدمناها
واسم مشعل داخل الصدر ينسخبه = من ذهب بحروفه اربع كتبناها