مجالس الفرده - وش خانة المقطان لوقيل مااحلاه

وش خانة المقطان لوقيل مااحلاه
وش خانة المقطان لوقيل مااحلاه
صيّور ماجاء بالليالي غدت به
يامل لقلبٍ من شديد العرب باه
بوهة غريرٍ بالمظامي رمت به
لا والله الا صار للبدو نوناه
وثوّر عسام الجو مما عفت به
والبيت هدّن الخدم زين مبناه
طوّن ذراه وقينة الزمل جت به
وشالوا على اللي بالمبارك امثناه
ماحط فوق ظهورها زوعت به
مظهورهم كن الطماميع تشعاه
يتلى سلف خيال من قربت به
ياقرب مسراحه وماابعد معشاه
له شدةٍ راعي الغنم يشتمت به
لو صوت الرجال ماتسمع انداه
من لجة المرحول مايلتفت به
مقطانهم امست خلي (ن) ركاياه
تقنب سباعه والذوارى بنت به
وردوا على عدٍ حللهم بمنداه
لين ان كل من مديده لفت به
يوم استخالوا نوض برق(ن) بمنشاه
يذكرلهم من راح سيله بنتبه
ياعيني اللي في نظرها مشقاه
تاصل الى مشرافهم واشرفت به
والعين سبر القلب والرجل مغراه
والى ومر قلبي لرجلي مشت به
رجلي على كثر التراديد مشهاه
مامورة(ن)والا انها مستعتبة
قلبي ربيعه جية البدو ومناه!!
ولا أحسب البيعات وش صرفت به
العصر يوم ان القصر مالت فياياه
ماكن راعية الحمر دوجت به
يجر ثوب الجز وااعظم بلواه
لو كان قلبي ممحلٍ (ن) ربعت به
ياتل قلبي تلة الغرب لرشاه
على زعازع (ن)حايلٍ(ن)صدرت به
سواقها عبد(ن) ضربها بمحداه
اما امرست برشاه والاوطت به
كنك على سوقه تهمه وتنخاه
لا عود الله ساعةٍ عرفت به
لا اقفى بها كن الطماميع تنحاه
كن الدلو طيرٍ(ن)اليا نزعت به
لين أمَزع غربه على حد عرقاه
وجيلان بيره بالمسمى لعّبت به