|
حرب في قمة المجد قصيدة للشاعر / خليفة بن عناد الشلاقي الشمري . في مدح / أبوفيصل محمد بن محسن بن مشرف الفريدي . الشمري صاغ عذبات الامثال=أصوغه باللي وافي ٍ بوعه ببوفيصل شبل الاشبال=من ماكر ٍ نادرةٍ تبوعه محمد اللي خيره دوم هــمــّـال=مــدلــّـه جيرانه وسط مشروعه قال هاتوا الـبــل ماض الافعال=وخــلاّ الوضح إدلــّـي بزروعه جمالتك ماتنسي ماد الاجيال=فعلك يشعشع براس مرفوعه الطيب ساسك والفعل دلاّل=عــارفٍ درب الطيب وسنوعه بيضا لابن محسن بروس الاتلال=يطرقها الشمالي بزين ذعذوعه من لابةٍ بالطيب يذكر لها أفعال=مــخـارشــه نـارهـم دوم مالوعه للطيب طيب وللعايل عـيــّـال=عدوهم بالكون تكسر ضـلـوعــه يوم انها بالـســيــف وركب خيــّـال=نطيحهم ينقص وتكثر وجوعه من حرب العزيزه والحق يقال=قبيلةٍ تهيــّـب وتزْمل جموعه لهم في قمة المجد منزال=ربعٍ تعدوا كل مــرمــوعــه فزعاتهم تكثر ياصكت الاقفال=هاذي طبايعهم والفعول مطبوعه والقول ماهو كــشـخٍ وتمثال=ولاخير باللي مايقدي وقوعه تم قول الشــلاقي يــا معرب الخال=أبي العذر كـان زل ّ موضوعه وصـلـوا على محمد عد ماهل هــمــّـال=الهـادي اللي سنته متبوعه ولسماع القصيدة بصوت الشاعر : |
رد: حرب في قمة المجد صح لسان الشاعر مشكور اخي نواف على الايراد الاكثر من رائع دمت ببببببببببببببببببببببببب ببببببببببببببببببببببببب ببببببببود |
رد: حرب في قمة المجد صح السان الشمري وصح بدنك ويستااااااهل الممدوح ونعم بشمر ونعم بحرب قصيدة رائعه جداً صح السان الشمري شكراً شاعرنا نواف على النقل المميز جداً وكل عام ونتم يخير |
رد: حرب في قمة المجد صح لسان الشاعر خليفة ويستاهل ابو فيصل المدح والشكر موصول لك اخي ابا عبدالسلام على هذه الاضافة دمت بخير وعافية مع وااااافر التقدير |
رد: حرب في قمة المجد صح لسان الشمري على ما قال ، ويستاهل أبو فيصل راع العلوم الغانمة وشكراً للرائع والمتميز دوماً أبو عبدالسلام على النقل الجميل .. بارك الله فيك |
رد: حرب في قمة المجد مشكور نواف على نقلك الرائع يعطيك العافيه........... |
رد: حرب في قمة المجد اخوى نواف فارع صح لسان الشمرى ويستاهل الفريدي وسلم يراعك تحيتي |
| الساعة الآن 10:47 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir