|
صفر الدلال اللي لها الناس جلاس هات القلم ياخوي في خاطري بوح ودي اترجم لي طواري وهوجاس واخذ من الابيات سجه مع الروح في معزل مافيه ما يزعج الراس هذي ثمان سنين والقلب مجروح والفكر شارد والمعاليق يباس ويفوح في صدري هموم كما فوح صفر الدلال اللي لها الناس جلاس امشي على درب المقادير وانوح ويهيض وجداني ليا هب نسناس سبة ظروف تجهد الحال وتروح وتترك مواجعها على القلب حراس تعبت وانا اشيل والوقت مشفوح يطوي سنيني دون رحمه ولا احساس كني غريق شاف موته على لوح !! تلعب به الامواج ما صابه الياس ابني من الاحلام بنيان وصروح احلام ورديه غدت مالها ساس ! واطرد سراب اللال واخيلها دوح! مثل الذي فالدهر للسيل عساس ! وازيف الفرحه سواليف وامزوح وامني الخاطر بلا باس.. لا باس تدري وش اللي يقهر القلب والروح ؟؟ انك تعيش العمر محتاج للناس !! الشاعره النادره |
رد: صفر الدلال اللي لها الناس جلاس صح السان الشاعرة وتسلم على الاضااااافه الرائعه وكل عام ونتم بخير |
رد: صفر الدلال اللي لها الناس جلاس تدري وش اللي يقهر القلب والروح ؟؟ انك تعيش العمر محتاج للناس !! صح لسان شاعرة نادرة وتسلم أناملك النمر الأرقط جميل الاختيار |
رد: صفر الدلال اللي لها الناس جلاس سلمت مشكور اخي بن مطيع على المرور لك ودي |
رد: صفر الدلال اللي لها الناس جلاس الجميل مرورك اختي ميس الله يعطيك العافيه دمتي بخير |
رد: صفر الدلال اللي لها الناس جلاس وازيف الفرحه سواليف وامزوح وامني الخاطر بلا باس.. لا باس صح لسان الشاعره النادره وسلم قلمك النمر الارقط تحيتي |
رد: صفر الدلال اللي لها الناس جلاس صح بدنك اخي ابوفيصل مشكور على المرور العطر |
| الساعة الآن 09:07 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir