|
انا لياضاق صدري واشتعل جاشي أنا ليا ضاق صدري واشتعل جاشـي داويت نفسي مـن همـومٍ تناهشهـا وضربت لي طرقةٍ تصعب على اللاّشي وسرّيت رجلي ومسرى الليل ينعشهـا ونحرت جوٍّ خليٍّ يوحـش أوحاشـي صحاصح البيد طـبّ اللـي يعايشهـا خالٍ جنابه مـن العالـم والأدباشـي قفرٍ مربّ الوحوش ومأمن أوحشهـا عشبه سوات الحمى ماهوب ينّاشـي لا راعي البل ولا الشـاوي بنايشهـا مايقطعن فرجتـه حـرار الأبواشـي الضمّر اللي وصوف الريـم تركشهـا مايسهجه غير جيبٍ يطـرب الماشـي مع واعر الأرض وألاّ مع مفارشهـا جيبٍ يبعّـد عـن مْعشّـاي مغباشـي اللي يقـصّ الـدروب ليـا تناوشهـا ماتسمع من المكينه غيـر وشواشـي ماكنّـه ألاّ الحيايـا فـي توشوشهـا لا فرّ من دوس رجلي صابه خراشـي فـرّة قطـاةٍ دويّ الملـح خارشهـا يطيش من طيش سوّاقه ليـا طاشـي نوبٍ يخم الخطـوط ونـوب يقرشهـا أبيـه لابـان نجـم ونجـم متلاشـي وشفت السويبع مع أخوانه مداقشهـا في ليلـةٍ وبلهـا هتّـان ورشاشـي وقلايـد الوسـم مرخيـتٍ مراهشهـا ليا أضمرنّ الفحول وجاهـن طياشـي والأرض في بطنها قـرّت هوايشهـا وراع الولع عقب موته له تنعواشـي طيره على الكـفّ والدنيـا مطنّشهـا ماعاد يطري له ألاّ بـرق الأرياشـي اللي على شانهـا البيـداء يفتشهـا وأنا معي عـاريٍ ماهـوب بخياشـي لاتلّ سيره علـى المقفـي تفرّشهـا عديم وأسمه عديمٍ ما أسمه شلاشـي زرق الشوش لالحقها علّق شوشهـا ومن لا عرف لذّة المقناص ماعاشـي ولعه بليّـا طماعـه ميـر عايشهـا يسلى بها الخاطر ليا ضاق وانداشـي وترتاح بالنوم عيني يـوم أغلمشهـا ماتسمع اذني صدى لجلاج وهواشـي ألاّ السواري مـع الظلمـا تخترشهـا يالايمـي خلّنـي بصـدّ وانحـاشـي عن شوف ناسٍ ماغير تلوّي خششها والله إن يبطي مع المقناص مطراشي لين المنيّـه نقابـل وجـه طارشهـا هذا الدواء اللي يداوي حدبٍ هشاشي من هاجسٍ لاتحرّك قـام يجرشهـا ! \ / \ خالد بن مدعث الدوسري |
رد: انا لياضاق صدري واشتعل جاشي يسلى بها الخاطر ليا ضاق وانداشـي وترتاح بالنوم عيني يـوم أغلمشهـا أبو حمد تسلم يمينك ع ما نقلت من الجزل وصح لسان خالد مدعث وتقبل تحياتي |
رد: انا لياضاق صدري واشتعل جاشي اخوى ابو حمـــــــــد صح لسان الشاعر/ خالد بن مدعث الدوسري وسلم القلم على النقل الموفق تحيتي |
رد: انا لياضاق صدري واشتعل جاشي صح السان الدوسري وصح بدنك يا ابو حمد أشكرك على الاختيااااااار الجزل وليس مستغرب عليك الاختيار لأنك عنوان الاختيااااااار المميز تقبل مرررررررررررررررررررروري لك.. |
رد: انا لياضاق صدري واشتعل جاشي اخوي سهم الفريدي شكرا على المرور والتواجد المميز |
رد: انا لياضاق صدري واشتعل جاشي اخوي غازي مرورك اسعدني شكرا لك |
رد: انا لياضاق صدري واشتعل جاشي اخوي ابن مطيع مرورك وسام لي واضافه للموضوع شكرا لك |
رد: انا لياضاق صدري واشتعل جاشي يعطيك الف عافيه على النقل المميز اخوي ابوحمد لك كل الشكر دمت بوووووووووووووووووووود |
رد: انا لياضاق صدري واشتعل جاشي يعافيك ربي يا ألنمر الارقط دمت بألف خييييييييييييييير |
رد: انا لياضاق صدري واشتعل جاشي الاهنت يابوحمد على نقل الجزيل والجميل تجيب الطيب ياطيب سلمت ودمت وصح السان الدوسري فعل ن مشوار يبرد الغليل تقبل مروري |
| الساعة الآن 04:17 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir