لا واهنـي اللـي لياحـط راســه=يغط في نومه عـن الهـم بنعـاس
ماله على بعض الدعاوي حماسـه=ولا عرف للنفـس قـدر ومقيـاس
ما همـه الا غطتـه فـي نعاسـه=عنده تساون المكاسـب والافـلاس
ما جاه من ظيـم الليالـي عكاسـه=يروح ليله بين سجـه وهوجـاس
ولصبح عليه الصبح غيـر لباسـه=يقول أبدلـه واتسـلا مـع النـاس
ويمشي على الهوجاس من قو باسه=مايبدي اسراره علـى كـل بـلاس
تجيه عومات الضحا مـن عماسـه=والواجب اللي يلحق النفس حساس
ياللي تعرف الجوهره مـن نحاسـه=خذ لك على درب التجاريب مرواس
مبني على الغرمول ينهـد ساسـه=ويثبت الى عزيت مبنى على ساس
واجب على الرجال يلبـس مقاسـه=ويصير بعيون الرجاجيـل نبـراس
ويحسـن اخلاقـه بليـا شراسـه=لو هو شجاع ويبلس الدرع والطاس
يرفع مجاله عـن دروب الدناسـه=ونفسه يدربها علـى قـوة البـاس
وياخذ تجاريـب الليالـي دراسـه=ويميز الياقوت من لمعـة المـاس
لو ذاق في بعض الليالـي تعاسـه=يصبر ولو صارن اشافيـه يبـاس
ومن يصحب الانذال واهل النجاسـه=يقضب عليه الهرج في كل مجلاس
ناس تميـز كحتـه مـن عطاسـه=ويصورون الكذب في صفح قرطاس
الذيب يرفـع همتـه عـن مداسـه=يوم يجوع وساعةٍ يرفـع الـراس
وبعض العرب ما همـه الا لباسـه=دايم على عورات الاجـواد دسـاس
نفسه دنـوع وعيشتـه باللحاسـه=على صحون اهل المواجيب لحـاس
ومن طاول الكهرب يذوق التماسـه=يجيه شوطٍ فيه قطاف الانفـاس ..