مجالس الفرده - ماني بنا اللي عند ربعه كل ماضاق انفعل

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - ماني بنا اللي عند ربعه كل ماضاق انفعل (http://www.alfredah.net/forum/threads/alfredah25686/)

ماني بنا اللي عند ربعه كل ماضاق انفعل

.

ماني بنا الليّ عند ربعه كل .ماضاق.. انفعـلّ
إمــا يـضـوي مشكـلـه. ولا يجـيـب .الغـايـبـه

ولاني مدور للزعـل لـو كـان يقصدبـي. زعـلّ
اكتـم علـى نفسـي واجاملهـا ولـو هـيّ طايبـه

ياحبنـي للطيّـب الـلـيّ لاهــرج. قــول .وفـعـلّ
واليا ضحك يضحـك شـوي وكـل رجـلٍ هايبـه

الذيب يعّـرف مـن قنيبـه والثعـل يبقـى.. ثعـلّ
لا مايهرول من عبـث لـو كـان رجلـه ,عايبـه

واللي براسـه ينطـح الجـدران.. ماينطح.جبـلّ
قولـوا لـه إنــه مايفـيـد إلا العـلـوم.. الخايـبـه

مسكين يامن قال هرجه وإن بحثتـه. ماصمـلّ
يثبت لك إن نفسه ضعيفه والصمايـل.. ذايبـه

إبك انت يالاش العرب ماتدري إنا ..مانـزلّ..!
ناقـف علـى القالـه ونحماهـا بـدون ..مهايبـه

حـنـا جـبـالٍ راسـيـه ماهـزنـا هــرج.. الخـبـلّ
ولأنهار ضلع إمن الدهر لد .وتحصـلّ.. نايبـه

والرجلّ لامن جاته الغلطه مـن الجاهـل ,كمـلّ
يكمل سموه لو سمع عوج الهروج.. السايبـه

من سار للقمه وصل, والاش عمره.. ماوصلّ
والنايفـه مثـل الهـدف مـاكُـل رامــي. صايـبـه

مبدى الكرامه, بيني ونفسي مثل.وأسمى.. مثلّ
ولا اقلط على ناسٍ يقولون ابك ذا وش جايبه

والله لـولا ضعـف بيتـي لـردف المعنـى.. دبـلّ
لـكـن بأخليـهـا كـــذا دام .الـقـوافـي. شـايـبـه

غلفتها فـي باقـةٍ عنوانهـا, (يـا اهـل الجهـلّ)
زيدوا ترى نفسـي مـن ذنـوب المقـرّد.. تايبـه

الشاعر فيحان القرمودي