مجالس الفرده - اشيوخ الرخا

ان شانت ايامك وبعـض العـرب شـان=و جاوبت من حـر اقشـر الوقـت ذيبـه
يا اظلم سماك وضاقت فجوج الاوطان=و قامـت تـومـي بــك هـبـوب الغليـبـه
لا تنـصـى الهـقـوة قليلـيـن الاحـسـان=شـيـوخ الـرخـا ماينطـحـون المنـيـبـه
زيــلان كـانــك تـفـهـم الـعـلـم زيـــلان=و من لا لقى طيـب اولـه مـا لقـى بـه
وش عـاد لوقالـوا مناصـي وشيـخـان=وقالـوا بيوتـه لـو تجيـهـا تـغـدى بــه
مسمى شيوخ وهـي دعايـات واعـلان=لــو كـابـرت بالمجتـمـع مــا درى بــه
مــالاج ببيـوتـه عـــن الـبــرد بـــردان=من غير اهلها اسوارهـا مـا مشـى بـه
لـو جبـت لـه تسعيـن مــري ورمـثـان=مـن غيـر اهلهـا قـرروا مـا وطـى بــه
بـيــوت عـسـاهـا لـلـمـذلـة وحــقــران=يـا صـار مـا تـذريـك وش ينبـغـى بــه
كـوبـان يبـقـى لأخــر العـمـر كـوبــان=و تـبـقـى الـزريـبـة للقـيـامـه زريـبــه
امـا الشيـوخ اللـى المسمـى لهـا كــان=مـن النبـي و الليلـة الـلـى ســرى بــه
و نعم الشيوخ اللـى يفكـون الاضعـان=الـلــى يـــا قـــل المـتـقـى تـتـقـى بـــه
و يا مدور المزبـان كـان انـت بلشـان=شــد الـحــزام وشـــد حـبــل النجـيـبـه
و ازبن على عديهـان مجـول عديهـان=حـبـل النـجـاة لـيـا غرقـتـك المصيـبـه
ازبـن علـى اللـى يـا تبـيـن ويــا بــان=قمـة وفـاء مـن شـاف ضيـم يجـي بـه
ازبن علـى اللـى وقفتـه تجـل الاحـزان=ملجـى مـلاج الملتـجـي يــا لـجـي بــه
تـرا ابـو والـم عنـد روغـات الاذهــان=يبـيـن يــا اشـتـدت حـبــال المصـيـبـه
بالطيـب مـا مثلـه خلـق ربـي انـسـان=جــزل العـطـا عيـبـه لـيـا عــد عـيـبـه
مـاهــي تـصـنــع او تـقـالـيـد لــفــلان=هـذي بشخصـه طـال عمـره وهـي بـه
طيبـه بحـر مــا بــه مـجـادل ونـكـران=مـن خلقـت ادم مـا حـدن طـاب طيـبـه
فـرز الوغـى يــا صــار عــج ودخــان=يـــدرك سـهــام الـطـيـبـات ويـجـيـبـه
ازبــن لـبــو والـــم سـلايــل كـحـيـلان=عـوق الطليـب ليـا بـغـى مــن طليـبـه
ارفـع لـه البيـضـا عـلـى راس مـابـان=بأعلـى الطويـل الـلـى كهـوفـه مريـبـه
قلتـه اشـادة طيـب واعلـن بهـا اعـلان=تعـلـن عـلـن مـاهـي منـاجـي وغـيـبـه
ولا هنـت يـا سامـع كـلامـي ولا هــان=الـلـى الـفـعـول الطـيـبـه ينـحـلـى بـــه
تمـت علـى معروفـه اللـى مـعـي كــان=و الله يـقــدرنــي عــلـــى رد طــيــبــه

الشاعر ثامر بن راضي الشلاقي