أبيات جميله أكبر قهر لاجيـت تعشقلـك انسـان واللي تحبه ساهـي ٍ مـا درى بـك وأكبر قهر تحلم وتحلم لـك ازمـان ويطيح حلمـك ميـت ٍ عنـد بابـك وأكبر قهر تبني من سنيـن بنيـان وتشوف بنٌيـك مـا تعـدى ترابـك وأكبر قهر تسقي من الورد بستـان وتموت بين يديـك زهـرة شبابـك وأكبر قهر تارد على البير ضميـان وتشوف بعض الطين حايس شرابـك وأكبر قهر لاحطـوا النـاس نيشـان كل ٍ يزٌهـب وانـت ضايـع زهابـك وأكبر قهر ترهي على حصان خسران يوم السبق لا طحت كل ٍ حكـى بـك وأكبر قهر لاصرت ضايع وعطشـان ونفس الطريق اللي يوديـك جابـك وأكبر قهر صاحبك لا جـاك خـوٌان لابحت له بالسـر راح ووشـى بـك وأكبر قهر تعطـي وتعطـي علشـان تاخذ عقـب كـل العطايـا حسابـك كل ما سبق ذكره على الشوف ما كان حفنة حروف ٍ مـع بعضهـا تشابـك ماهوب هرج ٍ يِعجَـنْ بفـم وللسـان ولاهوب عود ٍ يكسـره حـد نابـك إن كنت فيما قلـت تحتـاج برهـان ناظر وتلقى فـي قصيـدي جوابـك وإن كنت فيما قلت مخطي وغلطـان أترك خطانا وأنـت عطنـا صوابـك لا أعرف قائلها ولكن إستوقفتني , وياليت أحد الاخوة إذا كان يعرفه , أن لايبخل علي بالخبر . |
رد: أبيات جميله وأكبر قهر لاصرت ضايع وعطشـان ونفس الطريق اللي يوديـك جابـك ابيات رائعة وقصيدة جزلة بكل ماتحمل كلماتها من معاني مشكور اخي نواف فارع |
رد: أبيات جميله أختي / ميس الريم كلك ذوق . |
رد: أبيات جميله وأكبر قهر لاحطـوا النـاس نيشـان كل ٍ يزٌهـب وانـت ضايـع زهابـك أحسنت أخوي نواف على الأختيار الموفق للقصيدة كلك ذوق تحياتي |
رد: أبيات جميله سوّد الله لحيتك ,,, وبيض الله وجهك ياسهم الفريدي |
رد: أبيات جميله اخي / نواف فا رع كفانا الله وياك وجميع المسلمين القهر قصيده تحكي معناة وتجارب وذلك شي ملموس لك تقديري اخوك / مبارك بن حديد |
رد: أبيات جميله اخوى نواف فارع قصيدة مجرب كفانا الله وياكم والمسلمين القهر لك كل الشكر والتقدير تحيتي |
رد: أبيات جميله اخوي نواف يعطيك الف عافيه على النقل الرائع تقبل فائق احترامي |
رد: أبيات جميله عزيزي الشاعر / مبارك بن حديد : كلامك كلام العاقل الفاهم , ودعاؤك إلى كريم , عظيم , تقبل الله منا ومنكم ومن جميع المسلمين . |
رد: أبيات جميله حقيقة انتقاء جداً جداً جميل .. صح لسان شاعرها ,, وسلمت يدين ناقلها فقد ابدع بالنقل .. |
الساعة الآن 01:16 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir