مـوفــقــه خــيـــر .. والله لايـهــيــن الـــغـــرام = الـلــي جمـعـنـا عــــن عــيــون الاوادم ســــوا
صحـيـح مشـتـاق لــك .. لـكـن عـلـيّ الـحــرام = إن وصّـلــت عـنــد هـــذا الـحــد / مـالــك لـــوا
قبـل أمـس مالـي علـى طــاري فـراقـك عـظـام = اطــيــح وأقــــوم .. لا حـيـلــه ولا لــــي قـــــوا
واليـوم ابشّـرك .. نـار البعـد ..( بـرد وسـلام ) = لــو خـاطـري مــن ينابـيـع الـهــوى .. مـــاروا
تـبـيـن عـــاد الــكــلام الــلــي عـلـيــه الــكــلام = النـفـس طـابـت وشـامّــت عـــن دروب الـهــوا
وإن حّن قلبـي علـى الماضـي .. عليـه المـلام = حتى ايش لو إن بعدك ( داء) .. وقربك ( دوا )
تـذكّــري مـثــل هـــذا الـيــوم فـــي كـــل عــــام = وتذكـريـنـي .. وشّـبــي لــــي شــمــوع الــنــوا
مـاعــاد لــــك عــنــدي الا الــــود والاحــتــرام = والا عــلــوم الـمـحـبـه .. لا .. ولا لــــك لــــوا