|
شبعنا من عناهم وارتوينا الشاعر حجاب بن عبدالله ابن نحيت شبعنا من عناهم وارتوينا = وعند رسوم منزلهم بكينا ونادينا وقلنا خبروهم = ترانا من محبتهم نعينا ترانا من مفارقهم نحلنا = وكان فراقهم طول فنينا إلي جيتوا منازلهم فقولوا = لهم بأقوالنا يا راحلينا ترانا للذي قالوا سمعنا = وباللي هم بغوا منا رضينا وكل شروطهم نقدم عليها = قدمنا بالذي فنوا علينا وترانا عن مخالفهم رجعنا = وهوّنا عقب ما احنا عصينا ترانا في محبتهم حفرنا = وسيسنا ومن فوقه بينينا تحملنا الهوى حتى هلكنا =ولولا الحب ما والله لعينا انا مدري ومن يدري متاهم= لنا عقب التعذب راحمينا وكان انفوسنا زلت وعالت = واخطينا و كنا مذنبينا فإنا للعفو منهم طلبنا = وفي حد القصاص معهم مشينا حشالله ما نخطي عليهم =وان عدنا فإنا ظالمينا وكان استبعدوا عنا وقفوا = وعافوا قربنا لما دنينا ترانا ما نقاطع من وصلهم = نواصلهم ولوهم قاطعينا نصافيهم على طول الليالي = ولو ماهم غدا كدراً وطينا ولا والله ننسى لو تناسوا =على طول الليالي والسنينا عساهم بالرضى لو عذبونا= نراهم بالنعيم مخلدينا طووا عنا كتاب والوصل واحنا = بنبطي عن وصلهم ما طوينا |
رد: شبعنا من عناهم وارتوينا الشاعر حجاب بن عبدالله ابن نحيت اخوى ذعذاع الشمال أود أن أشكرك على جهدك ولكن هذه القصيده غناها حجاب بن نحيت وهى للشاعر محمد الفيحاني السبيعي المتوفى بحدود1375هـ أو قبلها قيل من الحب وقيل من مرض وهو لم يتجاوز الثلاثون من عمره ويوجد بقطر قلعه تسمى قلعة الفيحاني نسبة لذلك الشاعر شبعنا مـن عناهـم وارتوينـا=وعند رسـوم منزلهـم بكينـا وعقـب فراقهـم شنـا وحنـا=وحنينـا وثـم إنّـا عويـنـا وسايمنـا وساقمنـا وحـنـت=لنا حتـى المنـازل والعنينـا ونادينـا وقلـنـا خبـروهـم=ترانـا مـن محبتهـم نعينـا وترانا مـن مفارقهـم نحلنـا=وكان فراقهـم طـاول فنينـا إلـى جيتـم منازلهـم فقولـوا=لهـم باقوالنـا يـا راحليـنـا ولا تنسون مـا قالـه محمـد=امانتكـم لهـا يـا حامليـنـا ترانـا للـذي قالـوا سمعنـا=وباللي هم بغوا منـا رضينـا وكل شروطهـم نقـدم عليهـا=قدمنـا بالـذي فنـوا عليـنـا وترانا مـن مخالفهـم رجعنـا=وهونا عقب ما حـن عصينـا وترانا فـي محبتهـم حفرنـا=وسيسنـا ومـن فوقـه بنينـا وترانا فـي محبتهـم ربطنـا=ووثقنـا وثـر فيهـا عضينـا وترانا فـي محبتهـم سكرنـا=وتيهنـا وثـرنـا مهتديـنـا وفيهـا اه واويلـي غرقـنـا=وهدينـا الجـدا وبهـا سنينـا نخينـا مـن يذكـر بالمـروة=ولاهل الذات والشيمه عزينـا تكلفنـا وهـم عنـا بـراحـه=وذبنـا وهـم عنـا غافليـنـا وناموا وارقدوا واحنا سهرنـا=عليهم وهم رويـوا والتضينـا وهذا الحب بالزفرات يشـوي=الا يـا ويلكـم يـا عاشقينـا وانا من حر فرقاهـم عليهـم=تعلمـت النياحـه والحنيـنـا ارى راعي الهوى ما زال يلعي=ولو تحت الثرى يلعـي دفينـا تحملنا الهـوى حتـى هلكنـا=ولولا الحـب مـا والله لعينـا ولا نحنـا ولا صحنـا وقلنـا=لكم يا اهل المـوده خاضعينـا ولا قمنا نسال الوصـل منهـم=وحنا لا نبالـي لـي عطينـا برمنا وافتلوا هيهـات نقضـي=وهـم للـي برمنـا فاتليـنـا اقول ايش لون يا هذي مصيبه=وسواها البخت يا نـاس فينـا انا مادري ومن يدري متى هم=لنا عقـب التعـذب راحمينـا ومن في النار لي عذب يسامح=ويخرج من له الاسـلام دينـا وحنـا فـي تعذبهـم خلـدنـا=عجـب والله وحنـا مسلمينـا وراهم ما عفوا والعفـو سنـه=عـلام قلوبهـم عيـت تلينـا انـكان نفوسنا زلت وعالـت=واخطينـا وكـنـا مذنبيـنـا فحنـا للعفـو منهـم طلبـنـا=وفي حد القصاص لهم مشينـا وتبنا من عظيم الذنـب تبنـا=لوجهك يـا غفـور التائبينـا حلفنـا مـا نعـود بعـزة الله=وغلظنـا علينـا بالـف دينـا برب البيت والكعبـة وزمـزم=إله العرش رافع طـور سينـا حشى لله مـا نخطـي عليهـم=وأن عدنـا فـإنـا ظالميـنـا وإن نكـذب فـإن الله ربــي=يقـول انـي لعنـت الكاذبينـا |
رد: شبعنا من عناهم وارتوينا الشاعر حجاب بن عبدالله ابن نحيت اشكر اخوي ذعذاع تاشمل على النقل الجميل لك ووووووووودي |
رد: شبعنا من عناهم وارتوينا الشاعر حجاب بن عبدالله ابن نحيت أتعبت المشرفين بعدك يا مشرفنا الغالي غازي ابو زوايد جزاك الله خير الجزاء ورحم والديك ووالديهم وغفر الله لكم |
| الساعة الآن 05:47 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir