مجالس الفرده - يامشغل البال الشاعر حجاب بن عبدالله ابن نحيت

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - يامشغل البال الشاعر حجاب بن عبدالله ابن نحيت (http://www.alfredah.net/forum/threads/alfredah25504/)

يامشغل البال الشاعر حجاب بن عبدالله ابن نحيت

يا مشغل القلب يا ليتك تمر وترا =وتشوف حالي عقب فرقاك وش لونها
وان كان جرحك برا لا تظن جرحي برا = بعض الجروح الاوادم ما يشوفونها
اخفي جروحي بروحي تقل ما شي جرا= وانا جروحي ادل اللي يداوونها
قابلتهم مره وحده بطلعه كرا = مره وطلعت هكالمره بطاعونها
خلتني ارجع لوقت فات وانظر ورا= لأيام فاتت نسيت ايام من دونها
ذكرت ذيك الليالي يوم كنا اقصرا= يوم الطفوله تغنينا مع لحونها
نبني اليا جا المطر بيوتنا من الثرا= واهلي قبل ما ينادوني ينادونها
لا نفترق غير لا جا الليل وكلٍ سرا= والصبح نرجع على العشره وقانونها
ياما تذكرت من اشياء وياما طرا = اشياء هل الحب ما يقوون ينسونها
يطيب مجنون ليلى من الهوى لو درا = عما بيحدث لي ليلايه ومجنونها