مجالس الفرده - مالوم عين تصطفق بعض الأحيان = شافت غرابيل الزمان الغريبه

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

مالوم عين تصطفق بعض الأحيان = شافت غرابيل الزمان الغريبه

هذا احد قصائد الشاعر العملاق / بندر بن سرور العتيبي
مشاركة متواضعه أرجو أن تحوز على أعجابكم

مالوم عين تصطفق بعض الأحيان =شافت غرابيل الزمان الغريبه
ياكثر ماشافت ويقل الإيمان = بقلوب من بقلوبهم شك ريبه
من ينصح اللي يعتقد له بكهان = يشرك مع الله واحدٍ ما يثيبه
لو يصدق الكاهن طلع منه برهان = وافتك نفسه من حدوث المصيبه
لكن كذاب خذوا منه كذبان = والله صدق علام غيبك وغيبه
من سبته ياميت القلب ندمان = لعل قلبك للعمى ويش تبيبه
انصحك يا اللى رشك الشيب عميان= وادى جهنم حادرٍ مع شعيبه
يطغيك زود المال والزود نقصان = غادٍ بسوق السوء ليه اتغديبه
لاتدعي بالمال رابح وخسران = يفلجك من زين العمل يدعيبه
وافطن لكلمة ويل يوم للأنسان = فى ماقفٍ ماينفع المرو جيبه
للشر ميزان وللخير ميزان= تكتب ملايكة السماء وتعديبه
خذلك نصيحة واحد شاف الأ كوان= جرب غرابيل الدهر من نصيبه
من جاهد الدنيا بلا رؤس جنحان = يصبر إ لصكات الزمان الرهيبه
وأنا الذى شفت الوزا ياسليمان = برد الشتاء والقيض اكلني لهيبه
مانيب اهين النفس لوكنت جيعان = مايدنع إلا الكلب عقب اتهزيبه
والله يالولا كلمةٍ قال ديان = حقى غدابه مانوى إنه يجيبه
لشهر كما يشهر مع الجو شيهان = قطع البحور ولاحياة الغليبه
لجوعلي الناس قوم وصدقان=واخترت عنهم بعد ممسى النجيبه
مااهبلك ياللي تلتويلك بجابان=رجلٍ من الجابان لاتلتويبه
لاساترعرضك ولاقاضي شان=تكسب نزولك عقب مبدى الرقيبه
ابعدعن الجابان لوكنت عريان=ثوب من الجابان لاتكتسيبه
يارب تجعل لي من الذنب غفران=يافارج ليوب ممابليبه

وعلى المحبة نلتقي
(( الذنــــيب ))