يا منيف انا راسي من الهرج منداش=غديـت لـون معايـد القريتيـنـي
لاواهنـي النـاس يامنيـف دلاش =واناعذابـي كـل يـوم يجيـنـي
اقنب قنيب الذيب باطـراف عكـاش=شقـا ولاشـاف العـرب نازلينـي
بي ليلةعذراء بها طـل ورشـاش=وفيهـا الجليـد مسـوي طابقينـي
اقنب قنيبه يوم يقنب مـن الجـاش=وون مثـلـه بالخـفـا ونتيـنـي
من ناهش بيـن المعاليـق نهـاش=يخمـنـي بالثانـيـة مرتـيـنـي
اليا جيت اهوّد فيه يامنيف يهتـاش=والنـاس مايـدرون عمـا يجينـي
عليك با لمنهل ليا صرت معطـاش=على الـروا و مشاهـد الغانمينـي
ملفاك شغموم على الطيب مدغـاش=جـازي مـلاذ مـدوّر الحاجتينـي
هو منوة اللي تالي الليـل هتـاش=عن الونس والنـاس لـه ليلتينـي
يلقا سواليف علـى دلال وفـراش=سوالف ماهـي سوالـف دوينـي
مامر فيها عرض غافـل ولانـاش=اعروض خلق الله وهـم غافلينـي
حلو نباه وقلبه انظف من الشـاش=وانظف مـن القرطـاس للكاتبينـي
ماهـي سواليـف تعوّداليـا مـاش=هذا ولد هجـاج هيـف السمينـي
ذبّـاح للجمعـة فرافيـر الاكبـاش=ما اقول قول الناس شوفي بعينـي
جعلهـم عـادة بليـا تشـو بـاش=ليا صلوا الجمعة وجـوا فايضينـي
فاتح لهم بابيـن والثالـث كـراش=وثان لهـم رجلـه علـى دلتينـي
ريحة زفرهن فوق جمره ليا طـاش=يجي له اللي مـن ورا شارعينـي
يبذل لهم من طيب نفسه وماحـاش=الله يعيـن بعـونـه الصابريـنـي
ان كان هو موجود وان كان طراش=اليا غاب وصى عقبه الحاضرينـي
له ماقف (ن)يصعب على كل هلاش=ياويـل والله عقـبـه الوراثيـنـي
المارد اللي تـارده كـل الادبـاش=تفـوح ينابيعـه وجمّـه رصينـي
هداج ماصامت ضواميـه عطـاش=شيخ العدود اللي يضـف القطينـي
ان جيت باْول الليل وان جيت غباش=هداج لو شـان الدهـر مايشينـي
مثلك يابو نـواف والعلـم نبـراش=عندي بدور اليـوم مالـك حتينـي
ماقلتها قصدي عراميش وعـراش=لا و الذي صاموا لـه الصايمينـي
مار انت راعيها ليا كوبش الـلاش=اللـي يابـو نـواف لـه نيتينـي
من لابة يخشى غضبهم اليا طـاش=اولاد راشـد ميتميـن الجنيـنـي
رجالهم مثل الهزبري اليـا هتـاش=لو . . لان .. صوان الحجر ما يليني
ما ينلقي فيهم من العيـب مدغـاش=افعالهـم تعـرف وهـم باينيـنـي
وصّاني الدكتور والعارفـه عـاش=وانـا دكتـور سيـد العارفيـنـي
يقـول لاتهـدي معانيـك ببـلاش=القـول واجـد والقليـل الثمينـي
ولاني بعروض الاجاويـد حشـاش=ولا تابـع الغـرات بالمسلميـنـي
تمت .. ومن عاداك يا مير لاعـاش=وتم الكـلام اللـي بـداه المزينـي
ما قلت .. ماني عن قوافيه منحاش=وصلوا على المختـار يالسامعينـي

المشاركة الأصلية كتبت بواسطة معلا العنيزان (المشاركة 7437) ابوراكان لاعدمنا وجودك ولا عدمنا جديدك رحمة الله على ابونواف ونعم الرجل وصح لسان المزيني

المشاركة الأصلية كتبت بواسطة أبو أنس (المشاركة 1935) ملفاك شغموم على الطيب مدغـاش جـازي مـلاذ مـدوّر الحاجتينـي الله يغفر لابو نواف ولجميع أموات المسلمين. اللع يعافيك يابوراكان على القصيدة.

المشاركة الأصلية كتبت بواسطة علي الجضعان (المشاركة 16298) أقول واستثني راع الجود والشأن = اللي مثل جازي له الجود عاده اللي إليــا جــيتـه من الــــبعدعنيان = في بيت أبونواف تلقى السعاده تلقى بغاديـدن مـع العــــبدفـــيحان = والحيل تطبخ والسوالف ركاده ماهي كثيره مـن ـسلايل كحيــلان = الطيب والمعروف تركت أجداده أشكرك جزيل الشكر00أباراكان ولو أنك لآتشكر على هذا ....... هذا واجب عليك ,,,,,اطال الله في عمرك ـــــــوهذه البيات من قصيده طويله لي (رحم الله ابونواف رحمةٍواسعه وغفرذنوبه وااسكنه فسيح جناته)

المشاركة الأصلية كتبت بواسطة مشعل الجضعان (المشاركة 16423) الله مصلي على محمد صح لسان عبد العزيز بن حمود ابا العون اجمل قصيدة مدح ولله يسكن جازي الوسوس فسيح الجنان مشكور ابو عمر على المداخله الجميله وصح لسانك مشكور ابو ركان

المشاركة الأصلية كتبت بواسطة عزوتي عيال راشد (المشاركة 45400) صح لسان الاخ عبد العزيز ورحمك الله يا جازي واسكنك فسيح جناته امين

المشاركة الأصلية كتبت بواسطة منصور الوسوس (المشاركة 2059) رحم الله الشيخ / جازي واسكنه فسيح جناته ودعواتنا الصداقة لك بالتوفيق ياذيبان اختيار جميل من اديب رائع اسعدك الباري ودمت لمحبيك وصح لسان القائل وشافاه الله وعافاه امين

المشاركة الأصلية كتبت بواسطة أبـــوعــــــــــــادل (المشاركة 80091) رحم الله الشيخ / جازي الوسوس وأسكنه فسيح جناته وصح لسان الشاعر وتسلم أخوي / ذيبان بارك الله فيك وفي جهودك لك مني وللجميع التحية والتقدير