ياللي علـى نظـم المثايـل تلـوّى = ماهي قضيّة نثـر حبـرٍ بقرطـاس
الشعر مـا هـو كلمتيـنٍ تسـوّى = عقلك على كفّـك تورّيـه للنـاس
أركد على نظـم القصيـد وتـروّى = من قبل تلفيبه على كـل مجـلاس
وإسمع لجزل الشّعر حتـى تقـوّى = شعر الأوايل فيه حكمـه ونومـاس
والمخطيه حـذرى عليهـا تنـوّى = ترى الهزايل ماهي بصيد قرنـاس
مسْ الحبـال الممهلـه لا تطـوّى = وأجهر بشعرٍ لا بدى يرفع الـراس
خلي عـدوّك لا سمعـك ايتكـوّى = واللي مودك يفتخر بين الأجنـاس
شعرٍ ليامنّـه كمـا القصـف دوّى = يذعر حواسيدٍ .وعدوان وأنجـاس
والشّعر ماهو عبـدٍ لبنـت حـوّى = نوّع قصيدك في المعاني بمقيـاس
من قال أنا في قمّة الشعـر هـوّى = حيث الغرور ايعيّفه كـل هوجـاس
والي ركد .لأعلى المراتـب تبـوّى = أوثق فنفسك وأكتب الشعر بإحساس