|
اهلا عـدد مامـال ريـح بنبـوب يقول الامير محمد السديري في قصيدة موجهة إلي محمد العسيلي فيقول الشاعر محمد السديري: اهلا عـدد مامـال ريـح بنبـوب من خاطر هرج الردى مـا هذابـه أحلى من السلسال في صافي الكوب والذ من نقـع المطـر مـن ربابـه من خاطر يشفق على كل محبـوب ويجعل رفيقـه دون كـل القرابـه يكن لـه ماكـن يوسـف ليعقـوب ويحمى قفاه بحضرته مـع غيابـه ويذريه مايشكي عنا كـل لاهـوب ويزيد له بالطّيب عـن ماهقـا بـه العمر من دونه رخيصٍ ومجلـوب ولايستمـع بهـروج حـيٍ حكابـه نفتح له صدورٍ تذرّا ورى جيـوب وعن مـا يعيـب منزهيٍـن شنابـه يا بن العسيلي ما بكم كـل معيـوب حاشا ولا فـي طيبكـم مـا يعابـه لكم على الجودا محاريـف ودروب وراسين مثل المعتلي مـن هضابـه ودياركم حامينهـا بكـل مسلـوب باللـي غزاهـا مشرعيـنٍ ذبـابـه حامينها عن ضيم غاصب لمغصوب ويا ما دخلتم دونهـا مـن حرابـه يا ما نثرتم دونهـا الـدم مسكـوب اروى لعطشان الثّرى مـن ترابـه ياهل السّبايا اللي لها الاصل منتوب معمّقات مـن عصـور الصحابـه سلايل من فوقها الحرب لحـروب دايم على الـرّدات عـوج رقابـه وان جا نهار مشعل الحرب مشبوب فانتم على الطّوعات مثـل الذيابـه نعمٍ بكم والسيف مشهر ومقضـوب إن حل بأطراف الجهامـه ضبابـه اعني بني سالم ومسروح ووهـوب ما قولها با هـل الـرّدى والخيابـه وادي الرّمه من ولبهم صار مهيوب بـروس البلنـزا مبعديـنٍ رحابـه اليا غزوا يمّه غـزاة لقـوا شـوب وطبّوا على بحـر تلاطـم غبابـه الطّيب لأهل الطّيب يذكر ومنسوب وكلٍ علـى طولـه تفصّـل ثيابـه والناس في دنياك غالـب ومغلـوب وكلٍ علـى شفّـه يوجّـه ركابـه واللي من أفعال الرّدى فيه شاذوب هذاك كسّـاب الخنـا فـي شبابـه اختر رفيقٍ بالقسى يقضـي النـوب وجنّب عن المنزوع قـل لا هلابـه وقد رد الشاعر محمد العسيلي بهذه القصيده :- قال العسيلي وان بدا راس مشـذوب مرقاب حـرك مابضميـري وجابـه وبديت باسم الله عن الكـل مطلـوب سايق هماليل المطـر مـن سحابـه وابديت مافي خاطري يمه وصـوب من خاطر جاش وجهش كـل مابـه اهلا هلا ترحيبـةٍ تقضـي النـوب ترحيبـة المشفـق برؤيـة غيـابـه تحية مثل العسـل صافـي الـذوب والذ من نقـع المطـر فـي شرابـه برسالـةٍ كلـف بهـا لـي منـدوب من اعز مخلـوقٍ وصلنـي جوابـه من السّديري ماركـم فيـه مكتـوب عبارت تطلق وجه مـن هـو كتابـه كتـاب تمليتـه وقرّيتـه حــروب واشهدتهـم واقـع خطـاه وصوابـه لاشك ماحصّلـت بالخـط عـذروب مافيه موضوع عـن الزّيـن شابـه كلامه الطّيـب قفـل كـل دالـوب جميـع دالـوبٍ عنـه صـك بابـه واجاب على كـل ماكـان مطلـوب فهـم سؤالـي واعتنـى بالاجـابـه اجابةٍ تفتـح لهـا صـدور وقلـوب وتغلق لهـا ابـواب عليهـا رقابـه سلم وغنم من قام في كـل ماجـوب وجاب الكلام اللـي حسبنـا حسابـه محمد فداك من المـلا كـل زاروب اللي صلاحـه مـا يعـادل خرابـه حقّك عليّه مانسـب العلـم مقلـوب وحقّي عليك الصّدق في كـل جابـه لو كل علـم يـم حاكيـه منسـوب وترجع مناقيده علـى اللـي حكابـه لاشك احب الصدق والصدق مرغوب عند الرجال اهل الشـرف والمهابـه واصاحب اللي صحبته مابها عيـوب واجفى الجناب اللـي يملّـه جنابـه واجنّب اللي كـل ماحتجتـه يـذوب ويروح ضحضـاحٍ تلاشـى سرابـه تذهب مواعيـده مواعيـد عرقـوب ادراج ريـح الله يخـيّـب شبـابـه وللي لبس لي بالصداقه ميّـة ثـوب ماهـو صديـق ولا هبابـي هبابـه هذا كلام اللـي بـدا راس مشـذوب راس الطّويل الـي تقطـع سرابـه |
رد: اهلا عـدد مامـال ريـح بنبـوب يعطيك العافية على النقل الطيب يالبناخي سلمت يمينك يالغالي والف شكر على جهودك ومشاركاتك الطيبه |
رد: اهلا عـدد مامـال ريـح بنبـوب سلمت يمناك يالغالي |
رد: اهلا عـدد مامـال ريـح بنبـوب معلا العنيزان.... رحال شاكر مروركم الكريم ودمتم بأحسن حال |
رد: اهلا عـدد مامـال ريـح بنبـوب لاهنت يالغالي الف شكر لهذه القصيدة الجميلة |
رد: اهلا عـدد مامـال ريـح بنبـوب بيض الله وجهك قصيده جزله سلمت يد الناقل وصح لسان القائل دمتم بود |
رد: اهلا عـدد مامـال ريـح بنبـوب أبن منيديل لاهنت نورت صفحتي مبارك أبن هديب شاكر مرورك العطر |
رد: اهلا عـدد مامـال ريـح بنبـوب حمدان بارك الله فيك وفقت بالنقل قصائد جزلة نازف الحرف |
رد: اهلا عـدد مامـال ريـح بنبـوب بيض الله وجهك على هالقصائد الجزله ياحمدان .. |
رد: اهلا عـدد مامـال ريـح بنبـوب قصيدة جزل السديري والعسيلي وش خليت اخي العزيز نقل رائع كروعتك تقبل مروري وتحياتي |
| الساعة الآن 04:06 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir