مجالس الفرده - سامرية ابن شريم عليه رحمة الله

سامــــــريـــــــــة للشاعـــــــر/ سليمــــــان بن شـــــــريـــــــــم :

ألا ياعيوني ما يفيـد النظـر والشـوف

تكافـي وكفـي لاتراعيـن ياعيـونـي

تكافي كفاك مكايد الجـادل الغطـروف

ابو وجنة فيها اشهر المـوت مقرونـي

انا اشوف شوفك واتمنى وانا مشغـوف

من اللي سلب عقلي على غير قانونـي

لحظني بعين كن فيها نمـش وسيـوف

وقع مابكفي واختلـط وانصفـق لونـي

اخذني جهار اكبر ضحى والعباد وقوف

انادي بصوتي والعرب تقل ماوحونـي

تبي ذبحتي ياريم وادي سكاكا الجـوف

حسيبي عليك مصرف الخلق والكونـي

تعرض غريب نازح عند ابو رفـروف

ورى دار قاره يقنب الذيب مـن دونـي

الا واعذابي منك ياضامـر السرجـوف

شبكني هواك وبيـح الحـب مكنونـي

الا يازريف الطول انا ازهمك بالمعروف

بعد عونة الله منك انا برجـي العونـي

دخيلك تلبي دعوة من ثـلاث حـروف

طرف ساعة افرح بها وانـت ممنونـي

اريح ضمير بالهـوى مولـع مشغـوف

مـن الله خلقنـي بالغناديـر مفتـونـي