|
قصيدة رائعة ومحزنة قصيده رائعه ومحزنه جدا جدا قصيده رائعه ومحزنه جدا جدا قصيده مؤلمه بمعنى الكلمه ! فرحت لك .. وأنا معاليقي حطام والصدر .. من ما فيه بيّح كنينه فرحة يتيم ٍ .. ليلة العيد ما نام ! خالاته , وخواله .. مواعدينه مواعدينه بشت .. وشماغ بسّام ويلّعبونه .. في ملاهي المدينه مانام .. واحلامه تحّراه قدام كنه يطول أحلامه بـ( راحتينه ) ! صبحه تجّلا نوره بـ/ عيد الاسلام وقبل يروح المسجد : ملّبسينه جده ما بين العين والجيم واللام خلّيه يافلانه .. ولا تأخرينه ! تراقبه بـ/ عيونها .. حب وهيام وعيونها .. ممّا تكنّه / حزينه "يعرض لها الماضي مثل عرض الافلام " لـ.. ماضي ابوه وغلاه وحنينه يرجيه لـ( سنين القسا ) درع وحزام وجنب ٍ على صكات بقعا يعينه ابو ثلاث أعوام .. والا 4 أعوام يغار منه البدر .. من كثر زينه صلّى وجاء وأمر الله اللي قضى تآم ماهوب داري عنه .. زينه وشينه بشته عليه .. مهندم ٍ خير هندام واللي بـ/ عمره .. كلهم محترينه يوم اطلعوا للشارع انقسموا أقسام وأهم مافي القصه ؟ ملّعبينه تداعب رموشه .. ذعاذيع الانسام ويابردها .. يوم آيبست شفّتينه وعلى تراب الأرض بأصبعه رسّام أما رسم له طير .. والا سفينه العيد طعمه كان في الشارع العّام ماهوب عن رغباته .. مقيدينه رجع ولكن فرحته ضايعه ( دام : كل ٍ مشى ) وأخذ ولده بـ/ يمينه صاروا خواله في نظر عينه اصنام آحيوا بـ.. داخله الجروح الدفينه ولا عنده الا أمه وناب القهر سّام جاها يبي منها اليدين الأمينه شعوره اللي حس به مثل الإلهام وأول سؤال في باله : أبوي وينه ؟ سؤال : لكن كان مثل النبا الهّام لازال باقي في المسامع .. رنينه جته تعدي , ماهو تخّطي بالاقدام وشالته بيديها .. وحبّت جبينه أبوك : جاء البارح وقبل الفجر قام وشرى لك ألعاب , وهدايا ً ثمينه تراه حبّك وأنت غارق في الاحلام وراح لـ.. دوامه , والشغل مرسلينه لحظه .. وهو بين الحقايق والأوهام والدمع الازرق حاير فـ.. مقلتينه يمّه : ترى مانمت والعالم نيام ماجاء .. ولا لمست يديني / يدينه مدام رقمه معك من بين الارقام بـ.. أكلمه , يوم إنك تكلمينه ! طاحت ما كن آلها من الصدمه عظام ولاعاد فيها صبر .. ولا سكينه قالت بدون شعور وإدراك وإلمام أبوك ! في تراب القبر دافنينه العام مات .. ومتّ من موته العام وكني بعد مامات عني سجينه أبوك جندي للوطن ضد الإجرام عطاك عمره دون داره ودينه تفجّرت من تحت رجلينه ألغام ولاعاد لي بعده حصون ٍ حصينه بكّت .. وطاح الدمع من حر الآلآم وبكى وطاح الكون من موق عينه كل ٍ عذلها .. بين عاتب ولوّام تصّبري .. خلي ضلوعك متينه ماهو صحيح ان الضروره لها احكام اكبر خطاء يوم إنك تعلمينه بكره تنسّيه الليالي والايام هو فيه أحد ينسى حدا والدينه ؟ طير السعد في عالمه مابعد حام والله يعلم وش تخبي سنينه أنا كذا ! ساكت وصابر ومنضام لكن كان الفرق بيني وبينه : الدمع لـ.. عيون الأرامل والايتام ودمع الرجل ذل وهوان وغبينه ! |
رد: قصيدة رائعة ومحزنة ميس الريم / يعطيك العافيه ذائقه متفرده نص رائع وفيه صور جميله جدآ ذكرتني في قصيده لي قديمه منها هذه الابيات : مالت بجو الخريف ولفها برد وظمر ....................... ياوجودي وجد طفل ٍ مالقى منهو يضمه ما أنفطم توهـ رضيع ٍ واليتم ادهى وأمر ...................... تاهـ مابين الاقراب وانجبر في بيت عمه يمسي بجوءٍ كئيب ودمع عينه منهمر ...................... وأفتقد روح الحنان وكثرة الاهمال سمه بين كان وبين ليت وصورة اشباح ٍ تمر ..................... في عيونه دمعتين وفي خياله صورة امه |
رد: قصيدة رائعة ومحزنة مالت بجو الخريف ولفها برد وظمر ....................... ياوجودي وجد طفل ٍ مالقى منهو يضمه ما أنفطم توهـ رضيع ٍ واليتم ادهى وأمر ...................... تاهـ مابين الاقراب وانجبر في بيت عمه يمسي بجوءٍ كئيب ودمع عينه منهمر ...................... وأفتقد روح الحنان وكثرة الاهمال سمه بين كان وبين ليت وصورة اشباح ٍ تمر ..................... في عيونه دمعتين وفي خياله صورة امه اضافة رائعة اخي فهد سلمت على هذا المرور ودُمت مشكور |
رد: قصيدة رائعة ومحزنة |
رد: قصيدة رائعة ومحزنة القديره ميس الريــــــم ألم أقول لايكتب هذا الإبداع سوى ميس الريم ولاينقل الجميل سواها فلله درها قصيده محزنه جداً ولاهان الاخ فهد على الاضافه الجميله تحياتي لكما |
رد: قصيدة رائعة ومحزنة يسلم النظر والرأي اخي ابن مزرم لك شكري |
رد: قصيدة رائعة ومحزنة أخي غازي بن عجــــــاب مرورك هو الإبداع نفسه بعباراته وجمال اسلوبه لك من الشكر اجزله ومن الإمتنان أنقاه ومن التقدير أسماه |
رد: قصيدة رائعة ومحزنة اختي ميس الريم هنا ميس من الابداع الذوقي فعلا يضاهي ميس الريم .... ذائقة للجميل تنتقي والى قوس قزح ترتقي.... ارتوينا من هذه الابيات الشاعريه التي تخاطب المشاعر والاحاسيس وتعبر عن حالة انسانيه ..... اشكرك على جمال التواجد في كل موقع .. لاعدمتك |
رد: قصيدة رائعة ومحزنة قصيده رائعه وحزينه،،، سلمت اناملك اختي ميس على النقل. |
رد: قصيدة رائعة ومحزنة أخــــــــــــــــي خلــف الــــــــفريد وما مرورك على هذه القصيدة إلا تاج جملها فتباهت بأحسن مظهر رغم حزن أبياتها تبسمت ابتسامة تعلو بعباراتك الزاهية فلك من الشكرجماله ومن الخير حسناتهومن الإمتنان جزلاته |
| الساعة الآن 05:29 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir