|
قصيدة روووووعه أكبر قهر لاجيـت تعشقلـك انسـان واللي تحبه ساهـي ٍ مـا درى بـك وأكبر قهر تحلم وتحلم لـك ازمـان ويطيح حلمـك ميـت ٍ عنـد بابـك وأكبر قهر تبني من سنيـن بنيـان وتشوف بنٌيـك مـا تعـدى ترابـك وأكبر قهر تسقي من الورد بستـان وتموت بين يديـك زهـرة شبابـك وأكبر قهر تارد على البير ضميـان وتشوف بعض الطين حايس شرابـك وأكبر قهر لاحطـوا النـاس نيشـان كل ٍ يزٌهـب وانـت ضايـع زهابـك وأكبر قهر ترهي على حصان خسران يوم السبق لا طحت كل ٍ حكـى بـك وأكبر قهر لاصرت ضايع وعطشـان ونفس الطريق اللي يوديـك جابـك وأكبر قهر صاحبك لا جـاك خـوٌان لابحت له بالسـر راح ووشـى بـك وأكبر قهر تعطـي وتعطـي علشـان تاخذ عقـب كـل العطايـا حسابـك كل ما سبق ذكره على الشوف ما كان حفنة حروف ٍ مـع بعضهـا تشابـك ماهوب هرج ٍ يِعجَـنْ بفـم وللسـان ولاهوب عود ٍ يكسـره حـد نابـك إن كنت فيما قلـت تحتـاج برهـان ناظر وتلقى فـي قصيـدي جوابـك وإن كنت فيما قلت مخطي وغلطـان أترك خطانا وأنـت عطنـا صوابـك |
رد: قصيدة روووووعه تسلم يمناك يابن مزرم على اضافة القصيده الرائعه. |
رد: قصيدة روووووعه الرائع مرورك اخوي عايض المقطع اشكركـ اخوي |
رد: قصيدة روووووعه وأكبر قهر تحلم وتحلم لـك ازمـان ويطيح حلمـك ميـت ٍ عنـد بابـك قصيدة فعلا روعة والأروع منها الأيادي التي نقلتها تسلم مشكور ابن مزرم |
رد: قصيدة روووووعه الرائع مروركـ اختي ميس الريم اشكركـ |
| الساعة الآن 01:28 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir