|
احد ٍ يجيك وجيته تسكن (الروح)**واحد ٍ جيك وجيته ماتحيّا... حمام ياللي فوق الأغصان لك نوح وش فيك قلبت المواجع عليّا هيضت قلب ٍ بين الأضلاع مجروح كنك بجر الصوت تكويه كيّا سدي عقب مانحت ياورق مفضوح ولا عاد فيها (ياحمامه) كنيّا يمضي علي الوقت من غير مصلوح واللي نبي من صاحبي ماتهيّا والياس عقبك يالأمل يبني صروح طعت الزمن يوم الزمن عنك عيّا ياقلب لو تلقى من الناس مملوح ماكل مطعوم ٍ يجيله شهيّا ! احد ٍ يجيك وجيته تسكن (الروح) واحد ٍ جيك وجيته ماتحيّا وأحد ٍ تبي قربه من الروح ويروح تبكي على فرقاه صبح وعشيّا وكانك نويت البعد يازين مسموح دامك تطاوع ناقلين الحكيّا ماكان ودي ننتهي بحزن وجروح ماكان ودي ننتهي هالسويّا حسبي على الورقا حدتني على البوح وجابت علوم ٍ فالضماير خفيّا لاعادك الله ياحمام ٍ على الدوح ولا عادها الله جيتي لك هنيّا |
رد: احد ٍ يجيك وجيته تسكن (الروح)**واحد ٍ جيك وجيته ماتحيّا... قصيدة جميلة وصح السان الشاعر ويسلم الناقل على النقل والذوق الشعري الجميل |
رد: احد ٍ يجيك وجيته تسكن (الروح)**واحد ٍ جيك وجيته ماتحيّا... شكرا للناقل وصح لسان الشاعر لاكن ليته مذكور اسم الشاعر حتى نعرفه ونستفيد وتحفظ حقوقه |
رد: احد ٍ يجيك وجيته تسكن (الروح)**واحد ٍ جيك وجيته ماتحيّا... ابن مطيع يسلمو يا الغالي |
رد: احد ٍ يجيك وجيته تسكن (الروح)**واحد ٍ جيك وجيته ماتحيّا... نايف بن مياس يسلمو يا الغالي |
| الساعة الآن 05:48 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir