|
وانا في حياتي ما اتخذت الردي صحيب=ولا اخاوي الا كل مـن خوتـه تشـرا مما راق لي........م/ن انا يوم اجنب بعض الايـام ولا اغيـب=عن اهل البلد واصد في نازح الصحراء احاول على التجنيب مادام لـي تجنيـب=عن المجتمـع ومقابلـت نـاره النكـرا ابي زلتي تبقى عن المجتمع في الجيـب=ولا ازرى على بعض الرفاقـه لا يـزرا طعون العدى تبرى وطعن القريب صعيب=تشالا الجروح وجرح الاقـراب مايبـرا صدور الرجال كنوز واللي وراها غيـب=وعن غيب محكمت الصناديـق مايـدرا لكن الشدايد يظهـرن الـردى والطيـب=وعشاقهـا لا هـب نسناسهـا تــذرا مصيبه اليا صار الخطا في الحياه مصيب=وحول عزيز النفس مـع جنبهـا يبـرا هذي الحاجه اللي مثل ماقيل تفرا الجيب=عز الله العزيز انها لصم الحجـر تفـرا لا جاء الثعلب المكار يبغى مقام الذيـب=وقلـد زماجيـر الاسـد بسـتٍ تقـرا وانا في حياتي ما اتخذت الردي صحيب=ولا اخاوي الا كل مـن خوتـه تشـرا رفيقٍ ليا ضاقت ووصلت زرار الجيـب=تسابق على الفزعات يمنـاه واليسـرا ولا شفت خبلٍ حادر له مفيض شعيـب=على سمعته من هرجت النـاس مايـدرا تركته يروح ولا معـي شـك ولا ريـب=محبه قلـوب الخلـق ماهيـب بالجبـرا ولا ما ابتلاني وانتهى الصبر والتطبيب=بليتـه بـلاه الله بالطـامـه الكـبـرى نعيش الحياه احرار واللي تجيب اتجيـب=لنـا الصـدر دون العالمينـا او القبـرا ونـاس تقلبهـا شياطينـهـا تقلـيـب=الـى الله مـن نياتهـا الخاربـه نبـرا |
رد: وانا في حياتي ما اتخذت الردي صحيب=ولا اخاوي الا كل مـن خوتـه تشـرا لكن الشدايد يظهـرن الـردى والطيـب وعشاقهـا لا هـب نسناسهـا تــذرا كلام حلو والمعنى أحلا من لسان علو وناقل أعلا شـــكرا ابن مطيع |
رد: وانا في حياتي ما اتخذت الردي صحيب=ولا اخاوي الا كل مـن خوتـه تشـرا اقتباس:
شرفني المرور الرائع والجميل جداً وتواجد الجميل |
| الساعة الآن 12:14 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir