محمد السريّع
لاتقولين الضروف اتحدنا والقلـب خابـر=ان قلبك ناوي بالهجر والعـاذل عوينـه
بس روحي دام حضي من عرفته كان غابر=عاشقك مكتوب حزنه قبل يولد في جبينه
اؤمن ان العشق عالم صعب والعاشق مثابر=كل ماشفت البحر والموج يلعب بالسفينـه
كم كتبت الشعر لجلك لين جففت المحابـر=وكم سهرت الليل لجلك مثل حراس المدينه
ياجميله كم وانا في عالم الحرمـان صابـر=والرجل لامل صبره ويش يبقى في يدينـه
اقتليني وادفنيني داخـل اسـوار المقابـر=واذكريني شخص معدم داخله روح حزينه
دامك اللي مارحمتي روح يابنت الاكابـر=المحب اللي قسم هالروح مابينـك وبينـه
ماتوقع يوم ياتي في خيالك شخص عابـر=دام حطك في خياله يابعد عمـره رهينـه
ااه ياكسر بنفسي مالقى بالكـون جابـر=غير قلب طال به صبره عسى ربي يعينـه
استمعتي للعواذل والحسد مقطـوع دابـر=بس خلك هرجهم عيّا يزعزع فـي يقينـه

المشاركة الأصلية كتبت بواسطة ناصر بن راكب (المشاركة 155442) وكم سهرت الليل لجلك مثل حراس المدينه

شرفني مروووورك الرائع

المشاركة الأصلية كتبت بواسطة فريدي وفي (المشاركة 155476) اقتلـيـنـي وادفنـيـنـي داخــــل اســــوار الـمـقـابـر واذكرينـي شخـص معـدم داخـلـه روح حزيـنـه دامــك الـلـي مارحمـتـي روح يـابـنـت الاكـابــر المـحـب الـلـي قـسـم هـالـروح مابيـنـك وبـيـنـه صح لسان الشاعر وسلمت على النقل الجميل

المشاركة الأصلية كتبت بواسطة عايض المقطع (المشاركة 155483) اؤمن ان العشق عالم صعب والعاشق مثابر كل ماشفت البحر والموج يلعب بالسفينـه صح لسان الشاعر،،، وتسلم يمناك يابن مطيع على الاضافه الجميله،،،،

المشاركة الأصلية كتبت بواسطة علي الجضعان (المشاركة 155670) أخوكــ مشغولــ يالأمتحانات وأنا متخرج من زمان ليش عليك الحل على العموم الله يعطيك العافيه علي الأضــــــافـــــه تشكراتي