مجالس الفرده - ناس ٍ هواها تذيعه كـذب وتفلّـه

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - ناس ٍ هواها تذيعه كـذب وتفلّـه (http://www.alfredah.net/forum/threads/alfredah21512/)

ناس ٍ هواها تذيعه كـذب وتفلّـه

شجاع عمرالاكلبي
شربت نبع الهوا صافي على حلّـه=يوم النوايا سليمة والهـوا صافـي
يوم الهـوا للهواوي بهجـة وفلّـة=وقلوبنا من الشوايب بيض ونضافي
كيف ٍ لقلبي وكيف الرأس في الدلّة=والسر مابيننا في صدورنا خافـي
وزيارتي له خفيفه في الشهر طلّة=ولاجيت أزوره خذيت العلم وقّافي
وأصد لاشفت غيره خوف يفطن له=ووفيت له وأشهد إنه لي بعد وافي
وسيف المفارق علينا ربنـا سلّـه=وأقفيت وأقفى وستر أخبارنا ضافي
واليوم مع غيرها مـاودّي أعلّـه=من يوم جا للوفا في عالمه نافـي
ناس ٍ هواها تذيعه كـذب وتفلّـه=لاشفتهم في المجالس قلت ياكافـي

رد: ناس ٍ هواها تذيعه كـذب وتفلّـه

صح لسان الشاعر
وشكراًلك يابن مطيع على الإضافه والتنسيق

رد: ناس ٍ هواها تذيعه كـذب وتفلّـه

اقتباس:

المشاركة الأصلية كتبت بواسطة ناصر بن راكب (المشاركة 155257)

صح لسان الشاعر
وشكراًلك يابن مطيع على الإضافه والتنسيق

شكراً لك أخي ابن راكب على المرور