مجالس الفرده - خالد الفيصل أنـا بليـت بحبكـم مـن هبالـي

أنـا بليـت بحبكـم مـن هبالـي
وإلا أنت ظلِن ما لنـا فيـك مقــيال
خيرك لغيري والشقـا والعنـا لـي
والمشكل إني عارفٍن كـل الأحـول
ارمي بروحي في بحـرك الزلالـي
وتنسفني أمواجك على يابس الجال
اسأل فراشي كيف اقضـي الليالـي
بالليل لي حالٍ ومعكم لـي أحـوال
من خوفي الشمات يشمـت بحالـي
ويكثر علي من العدى القيل والقـال
أنت السبب ولعتنـي يـا غزالـي
وفتحتلـي دنيـا جديـده بالآمـال
وأبعـدت خلانـي وجيتـك لحالـي
وفرشت قلبي لـك مقـرٍ ومدهـال
ويوم أبعدن حبالهـم عـن حبالـي
ودريت انك عندنـا غالـي المـال
أبديت عقب الحب صرف الجفالـي
وخليتني محتار في أشهـب الـلال
نصيـت ربٍ عالـمٍ ماجـرى لـي
ماحط دون الخلق حاجب ومرسـال
ومنحني السلوان عالـي الجلالـي
وقصّر علي الليل من عقب ماطـال
واليوم ترسل لي وتبدي الوفا لـي
تبدي لي أعذار قصيـرات وطـوال
تبي تجدد ماانقطـع مـن وصالـي
وتبدي من الفتنه لي الوان واشكال
تردّني في حالي اللي مضـى لـي
ترضي غرورك بس ياحسن الاقبال
ماعاد تخدعني عقـب مابـدا لـي
وان عدت فيما عفت .. مانيب رجال