|
خلقت باالدنيا ونا مامعي شي قصيدة اعجبتني لعلها تعجبكم سجه مع الهاجوس طبيعة لي=طبيعة باموت ماجزت عنها اشكي على الخلاق ورفع له ايدي=لاكثرت الافكار يامر وينها اما الكرم قد فازبه حاتم الطي=حتى الفرس من شان ضيفه طعنها خلوني اكرم في حياتي ونا حي=ولا مت مدري جثتي من دفنها خلقت في الدنيا وانا مامعي شي=وبروح منها مامعي شي منها مسكين ياللي تحسب الواجد شوي=والعافيه لو تنشرى وش ثمنها ياجاهل الدنيا تراهي كما الفي=يامخبل اللي في حياته ومنها ان ناحرت لك قامت تروح و تجي=مثل الذلول اللي طويل رسنها ون دبرت خلتك طايح ومرمي=وكم واحدٍ له حاجةٍ ماضمنها لابد مانرحل عن المزح والغي=ونسكن بيوتٍ قبلنا من سكنها النفس مثل الغصن عايش على الري=لولاه كل الناس عافت وطنها ياالله عسى الحسنات تقضي على السي=لاقربوا للنفس ذرعة كفنها الشاعر مبارك فايز البخيت |
رد: خلقت باالدنيا ونا مامعي شي خلقـت فـي الدنـيـا وانــا مامـعـي شــي وبــروح مـنـهـا مـامـعـي شـــي مـنـهـا صح لسان الشاعر وسلم من نقل |
رد: خلقت باالدنيا ونا مامعي شي ميس الريم اسعدك الله مرورك ينير المشاركة |
رد: خلقت باالدنيا ونا مامعي شي الاخ / حزام الصبر اود التعليق على شاعر هذه القصيده بمايلي:- نقلا عن جريدة الجزيرة السعودية الشاعر مفرج بن مفرح المشعبي السبيعي شاعر غني عن التعريف.. له العديد من القصائد التي اشتهرت بين رواد الشعر.. شاعرنا هو قائل هذا البيت: خلقت فالدنيا وانا ما معي شي .................واباروح منها ما معي شي منها له قصائد ابدع فيها من حيث اجادة المعنى وسلاسة الاسلوب ودقة التصوير.. طرق جميع أبواب الشعر.. يغلب على شعره الحكمة.. اليكم مقتطفات من اشعار شاعرنا: عن مؤسس هذا الكيان العظيم جلالة الملك عبدالعزيز بن عبدالرحمن آل سعود -طيب الله ثراه- يقول شاعرنا من قصيدة طويلة اختار منها: عبدالعزيز اللي صنع له بطوله بالسيف والبندق وعوص النجايب وحفظه كتاب الله وسنة رسوله وصبر وجلد واحساس قاضي نوايب وشجاعة فذة وغيرة رجوله جميعها كانت لنصره سبايب فتح بها حصنٍ صعيبٍ وصوله وحد بها شعبٍ عطيب الضرايب أما عن اختيار المجالس فيقول شاعرنا: يا حبني للي ليا جيت يمه لا مجلسه عامر بضول الرياجيل ضول الرجال منطلين الاعمه في ساعة فيها تضيع الاقاويل والمجلس الثاني مجالس لائمه اللي يفكونك من القال والقيل حديثهم يجلا عن الوجه غمه مغير تسبيح لربي وتهليل والمجلس اللي ريح عوده تشمه لا عنك ما انت بزاير مجلس بخيل هذا الصفاة الطيبات المهمه اللي مجالسهن ينوش التنافيل تطلعك فالدنيا وفالدين قمه وتاويل من يبغى عن الطيب تاويل ومن قصيدة تتحدث عن موضوع آخر يقول فيها: العين شاشه والهواجيس ريموت والخوف مني والطماعه براسي كم فرصة ضاعت على المنتظر فوت يمكن بها تحطيم رقم قياسي ومهما يطول العمر ميعاده الموت والموت ما بعده مناصب كراسي اما عن اختيار الرفقه الطيبه فيقول شاعرنا: وين ابا القى لي رفيق على الزله صبور ايتحمل زلتي واتحمل زلته يعذرني كان زليت وان زل امعذور زلت الالسن ما تخلف علي اجبلته رفقته ماهي برفقة قصيرين الشبور اللي واحدهم وجوده يساوي قلته ولشاعرنا هذه القصيده التي اشتهرت بين رواد الشعر الشعبي وقد تعرضت لعدة سرقات من لصوص الادب لتميز هذه القصيدة وما تحمله من معنى ومضمون حيث يقول الشاعر: خلقت فالدنيا وانا ما معي شي =واباروح منها ما معي شي منها خلوني استانس بها حدني حي =لامت مدري جثتي من دفنها وان عشت عمر الادمي كنه الفي =كم خزنةٍ يكوابها من خزنها شوي ندله واربع ايام وشوي =ندفع لسجتنا القليله ثمنها والرابح اللي لا نطوت صفحته طي =في رحمة الله طاعة الله ضمنها اما عن عزة النفس فيقول شاعرنا: البارحه نومي لعيني تناويش لا نعست دك بهاجسي ما طراله طواري ما سنعوها الدراويش تطري على من عنز ابوه خاله المال لو جا في يد اللاش حتى ايش ما زاده الا عنجهيت جهاله حلفت ما ارخي هامتي للبخاشيش واني ما اصانع واحد لاجل ماله راسي.. علا.. قنعان بقليل العيش ما ستعبده غير انت ياذا الجلاله اللي بيدك الرزق مسق المعاطيش ما خاب من وجه لوجهك سواله اما من قصائد شاعرنا الغزلية فنختار هذه الابيات: الغلا ما زال.. ما زال يا زين الوصوف في حجايا ضامري بين الاضلاع محجي ليش تزعل يوم احط النقط فوق الحروف وانت ما يخفاك طبعي وتعرف منهجي المحبه ثابته والمجي حسب الظروف ان حصلي جيت.. وان ما حصلي كيف اجي اشهد انها كية فالحشاء بين الجوف لا حصل لي مدخلي ابتلشت بمخرجي نتمنى لشاعرنا دوام الصحة والتوفيق.. وعلى المحبة نلتقي مع شاعر آخر ولكم تحياتي.. زهران عون الله المطيري بريدة منقول للإمانـــــــه |
رد: خلقت باالدنيا ونا مامعي شي شكراً حزام على النقل وجهود تشكر عليها أخوي ابوفيصل لاعدمناك غازي بن عجاب ابوزوايد شاعر وابن شاعر وناقد وحافظ النوادر الشعر أشكرك جزيل الشكر على التنويه وحفاظ عقوق الغير وهذا دليل على شهامتك ودقت ملاحظتك مع ان هذا الشاعر لم يحترم شعره ونفسه |
رد: خلقت باالدنيا ونا مامعي شي الله يعطيك العافيه على الأضافه تقبل أعجابي بطرح الرائع والجميل |
رد: خلقت باالدنيا ونا مامعي شي اخواني نسيت ان أنوه أن قصيدة مفرج المشعبي هى فقط خمسة أبيات وقد تكون هناك قصيده أخرى تم الخلط بينها وبين القصيده المذكوره كما يحصل من الرواه ( افة الحديث الرواه ) تحياتي للجميع |
رد: خلقت باالدنيا ونا مامعي شي اقتباس:
واحترامي لحقوق النشر لابوعمر |
رد: خلقت باالدنيا ونا مامعي شي الاخ العزيز ابو زوايد عسى ان تكون في صحة وعافية اشكرك على الملاحظة لا كن اناء نقلتها عن منتدا النداوي وفي امكانك و القراء زيارة الموقع |
رد: خلقت باالدنيا ونا مامعي شي علي الجضعان و بن مطيع و ذيبان اسعدني مروركم |
| الساعة الآن 01:46 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir