مجالس الفرده - خوف يلحقني من اهل الشعر والمعنى انتقاد

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - خوف يلحقني من اهل الشعر والمعنى انتقاد (http://www.alfredah.net/forum/threads/alfredah21094/)

خوف يلحقني من اهل الشعر والمعنى انتقاد

الشاعر ..طلاع الزعيزع
الليلة الهاجس طراله كم بيـت مـن القصيـد=ماهي بلحية نوم والساري سـرا علـمٍ وكـاد
دوّه بصوته للتوجـد وارتفـع صـوت اللبيـد=وأصطفت بكار المحاني داخلي والنبـض زاد
اطلقت رجلي بالخلا امشـي وارددهـا نشيـد=من خوف يلحقني من اهل الشعر والمعنى انتقاد
ماغير اقلب سبحتي واكـرر ابياتـي واعيـد=مرات اغنيها وفا وامرار تشّطـح بـي عنـاد
طرا على بالي علومٍ تنهـك البـاس الشديـد=والله على وقتٍ غدا ماضي ولا يمكـن يعـاد
وجدي عليها يا خلف وجد اليتيـم بيـوم عيـد=يومه لمح وجه الحنون امـه بدمعـه واستعـاد
كل ما طراله ضمةً بحضينهـا الدافـي يزيـد=ينحب بصوتً جاوبت حزنه صباحات العيـاد
ولا وجود الشايب اللي منحني ضهـرة وحيـد=عقّوبه عيـال الفلـس والنـار يعقبهـا رمـاد
يرجي حنان قلوبهـم وقلوبهـم مثـل الحديـد=بيّن جفاها بالوجيـه اللـي تغشـت بالسـواد
هذيك والله يا خلف مافارقـت حبـل الوريـد=وكل عرق ينبض بالجسد متفرده فيـه إنفـراد
لها بريضان الحشا اوطان وجيـوش وعبيـد=دستورها حكمً مؤبد واشهـد ان الحكـم سـاد
الله يمسيها بغلا واحساس مـن نوعـه فريـد=ماحركه شوقٍ لغير عيونهـا واهـي المـراد
يالله عساها عايشه بالخيـر والعمـر المديـد=وتستر عليها يا إلـه الكـون يـارب العبـاد

رد: ن خوف يلحقني من اهل الشعر والمعنى انتقاد

الف شكرعلى الأضافه الحلوه وأنت أحلى

اكرر شكري وتقديري لشخصك الكريم

رد: ن خوف يلحقني من اهل الشعر والمعنى انتقاد

مشكووووووور على الاختيار الرائع،،،
قصيده جميله صح لسان الشاعر وصج بدنك يابن مطيع.