|
أبيات للشاعره عابرة سبيل رحمها الله رحمة واسعه والمسلمين والمسلمات ترى الذبايح و أهلها ما تسليني أنا أدري إن المرض لا يمكن علاجه أدري تبي راحتي لايا بعد عيني حرام ما قصرت يديك في حاجه أخذ وصاتي وأمانه لا تبكيني لو كان لك خاطرٍ ما ودي إزعاجه أبيك في يديك تشهدني وتسقيني أمانتك لا يجي جسمي بثلاجه لف الكفن في يديك وضف رجليني ما غيرك أحدٍ كشف حسناه واحراجه أبيك بالخير تذكرني وتطريني يجيرني خالقي من نار وهاجه سامح على اللي جرى ما بينك وبيني أيام نمشي عدل وأيام منعاجه همي عيالي وأنا اللي فيْ كافيني علمهم الدين تفسيره ومنهاجه عابرة سبيل رحمها الله وسامحها هذا رد زوجها رحمها الله حاولت أنام وحاربت عيني النوم وجريت صوتٍ مثل صوت الذيابه الجفن كنه صار ضايق ومهزوم ودموع عيني مثل رش السحابه على وليف قالوا اليوم مرحوم فارق وراح وما تهنى في شبابه زرت القبور اللي على بعضها ارسوم وخطيت رسم فوق ذيك النصابه قلبي من الدنيا عليه مرسوم والرسم توه عقب خط الكتابه أحبها مير القدر صار مقسوم ويحبها كل الأهل والقرابه الموت أخذها واودع القلب مثلوم جرح عميق ما يداوي صوابه الموت أخذ شجعان وارخوم وقروم وأخذ رسول الله وباقي الصحابه الله http://audio3.islamweb.net/Anasheed/138323/3271108.mp3 |
رد: ابيات لشاعره عابرة سبيل رحمها الله رحمة واسعه والمسلمين والمسلمات ابيات قويه تهز القلب، الله يغفرلها والمسلمين اجمعين. |
رد: ابيات لشاعره عابرة سبيل رحمها الله رحمة واسعه والمسلمين والمسلمات جزاك الله خير ودايم راعي خيروتذكر بالخير |
رد: ابيات لشاعره عابرة سبيل رحمها الله رحمة واسعه والمسلمين والمسلمات ابيات حزينه ومؤثره رحمها الله رحمه واسعه اشكرك اخوي على النقل الرائع |
رد: أبيات للشاعره عابرة سبيل رحمها الله رحمة واسعه والمسلمين والمسلمات العفو مشكور اخوي |
رد: أبيات للشاعره عابرة سبيل رحمها الله رحمة واسعه والمسلمين والمسلمات كم أتأثر عندما أقراء هذه القصيده فعلاً قصيده مؤثره ومن شاعره كم أعجبت في شعرها السهل الممتنع الله يرحمها وأموات المسلمين ويرحمنا اذا صرنا الى ماصروا أليه مع الشكر يالصقر على جهودك الرائعه |
رد: أبيات للشاعره عابرة سبيل رحمها الله رحمة واسعه والمسلمين والمسلمات الاستاذ الكبير القدير علي ابن جضعان وفقه الله بدون تملق أو مجامله أو مرآءه انت كبيرا ودايم تكمل المشاركات بحضورك العطر ومشاركتك تسد خانات النقص ويعزز المشاركه وردودك لها طابع خاص أشكرك عدد ماكتبت كلمة شكرا وعدد ما أستقبلها الناس وتداولت بينهم بس ياليت يااستاذ لو أبديت لنا أو شرح لنا وما المقصود منها عبارة(( السهل الممتنع )) أنا حد عرفي أنها تستخدم بالشعر وياليت ابيات قليله00 بفضاء الشعر أوقوافي تقبل جل ودي واحترامي وتقديري بقلم الصقر الجارح |
| الساعة الآن 02:58 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir