حبيت انقل لكم قصيدة كلماتها عجيبه ويستاهل اللي كاتبها الشكر والتصفيق ها هي القصيدة :-
بعد ذنك ياابو عمر لم أتمكن من معرفة الشاعر
..............................
ما كل من يضحك بدنياه مسرور=لو ضحكته دايم تحرك حجاجه
وماكل من يبكي من الناس مقهور=بعض الدموع رخاص من شان حاجه
وماكل صادق لو حكا لك من شعور=يا كثر من زيف المشاعر خراجه
وماكل ما يخفا من السر مستور=بعض الوجيه ابين من ارهف زجاجه
وماكل بيت انصك مهجور=كم بيت اطفا الشح واهج سراجه
وماكل ورد تزرعه ينثر عطور=لو ماه صافي ما يخالط هماجه
وماكل مرهف قلب لو يزرع زهور=قلب يحب الورد وجواه صاجه
وماكل من يخطي من الناس معذور=البعض يخطي من علوم العواجه
وما كل من يسكت علي الضيم مجبور=لجل الغلا ساكت ويدعي انفراجه
وما كل راس ضيع الفكر مسحور =كم راس سحر الحب جاب ارتجاجه
وماكل عله فادها طب دكتور=كم من عليل وصل خله علاجه
وما كل من شاور حكيم خذا الشور=بعض البشر ما يقنع الا مزاجه
وما كل من سمي صقر يشبه صقور=كم من صقر وقت الشدايد دجاجه
وماكل من يفزع لجل مدح ومشكور=البعض مرجلته وسامه وتاجه
وما كل من سمي صقر يشبه صقور 
العرض الشجري
