ياراكب اللي لامشى يسبق الطير=يسبق مراويح القطا في مطيره
جمسن جديدن توماجيب تصدير=مصممن لجل الدروب العسيره
من الحجاز نوجهه دون تاخير=ياصل النجدبوسط شبه الجزيره
ملفاه حرن ماحسب للمخاسير=يمناه تندا والكرم دق زيره
هذاك ابوناصرزبون المغاوير=زبن الرفيق اللي طلب يستجيره
عساك دايم يابيض الوجه في خير=وعسى للياليكم عليكم سفيره
وسلم وسامحني اذافيه تقصير=وبلغ سلام لشخصكم والعشيره
تم الجواب وكلمه الحق لاغير=يقولهاعايد ولاقال غيره

يامرحباوهلين والفين تكرير=بالجمس واللي وجهه في مسيره
للجمس واهل الجمس حشمه وتقدير=من حشمه اللي عندربعه ذخيره
جمس من ارض أم القرى قام بعصير=متوجهن جنوب غرب الزبيره
جمسن يصخرنازح البعد تصخير=كدقالها بندروكدقال غيره
موجهه ريف الخوي والمسايير=ريف الضيوف وسترعوره قصيره
وياعايد الضواي مافيك تقصير=وصل سلامك للكبيروصغيره
وقبل تحياتي وشكري وتقدير=ياطيب الرفقه نزيه السريره

شاكر لك وقفتك اخوي ابو يارا والله لايحرمنا تواجدك
تقبل تحيآتي