راكب اللي حسها تسمعه من كل صوب = مثل زلزال الرعد فالمزون المظلمه
كنها يوم استدارت وضاقن الدروب = فرخ شيهانٍ على الصيد ينهض مقدمه
تلها جرج الخواجه ونطحها الهبوب = واعلنوا باطفاء الزقاير وربط الأحزمه
اسم كبتنها خواجه ماهو لباس ثوب = آخذ من (000000) سك ومنشع دمه
من سلايل شايبٍ ما جمع غير الذنوب = الديانه عكس الإسلام ماهي مسلمه
مايعرف يقول هذي شمال وذي جنوب = الدليله بوصله والحروف مترجمه
واهني اللي على رحلته حصل ركوب = إن رجع واللا توفى عسى الله يرحمه
إن تنحر مشرق الشمس واللا للغروب = المهم ينفذ اللازم اللي يلزمه
فاقدٍ لي شيخ قومن وغالي ومحسوب = محزمٍ فالضيق واحظ من هو محزمه
والجفا من بين الأصحاب عيب من العيوب = والصداقه من بنا بيتها مايهدمه
والغلا والكره مايسكنن غير القلوب = بس مابه قلب فيه الثنين مخيمه
والرجل لاصار بيتٍ مذرا ومحجوب = استوا عند النشاما وجوده وعدمه
اتقبل مزح الأصحاب عذبين السلوب = وآتخير وآكل التمر وآطش عجمه
والطرب لاما جرفني مع اللحن الطروب = انسف البيت المدمدم على اللي دمدمه
واقفل الجوال عن راعي الغوج الهذوب = وافصل التعميم عن بيجري واعممه
واعرف الكذبه ليا جات من فم الكذوب = لاقعد يرفع لسانه ويرخي برطمه
ومزحة الطيب ماتجرح متينين الجنوب = عقب اللي مزحةٍ من رفيقه تفحمه
ايه ياضيدان والناس حارب ومحروب = والأعادي كل واحد بحبره وقلمه

صح السان الشاااااعر وصح بدنك شاكر لك الأضافه
وشكر موصول لأخ ابو عمر على التنسيق الرائع