مجالس الفرده - قصيدة مرشد البذالي موجهه الى السديري رحمه الله

اليوم في قلبـي مـن الوجـد لهـاف ==أخطف أخبـار الطراقـي تخاطيـف
سمعت علماً حـط بالقلـب رجـاف ==وأمسيت من علم الخطر خارب الكيف
ياسعود ياعله خبـر كـل مزهـاف ==ما كان ينسب من رجـال عواريـف
ياسعود من دورات الأيـام ينخـاف ==كل النفـوس معرضـة للصواديـف
الله مـن وجـداً للأفكـار خطـاف ==ومن ونتاً مـا تحتملهـا السراجيـف
والعين كن الها عن النـوم عصـاف ==مالي جدا الا أقول ياحيـف ياحيـف
النوم والمطعوم والضحـك ينعـاف ==لين أفهم المعنـى بكـل التواصيـف
أما ضحكت من الفرح ضحك ميلاف ==ولا عملت الطربت البـال توقيـف
ياليتنـي لسـرار الأخبـار عـراف ==اليوم أسنع وش خبر مكرم الضيـف
أمـا لقيتـه مثـل حـرٍ بمشـراف ==والا صفقت الكف بالكـف تعريـف
ليت الدبور اللي للأعمـار قصـاف== يمنع عن اللي فعل يمنـاه قـد شيـف
مانيب في حبـي لابـو زيـد لفـاف== محبـة ترجـع لكسـب المصاريـف
أنا غرامي ربعت النـاس الأشـراف ==فهود الرجال اللي عليهـم تحاسيـف
اللي لهم في مرقـب المجـد ميقـاف ==وأمداحهم توكيـد ماهيـب تزييـف
الطيب لو أنه علـى الغيـر ينشـاف ==لازم يجيلـه بالمجالـس سوالـيـف
والا ألردي لو هو جمع كل الأصناف ==مال وجمال ونـال كـل التكاليـف
مثل السراب اللي على البعد كشـاف ==ولا ينقذ العطشان من حومة الصيـف
هذا هواى وكل نـاس لهـا أهـداف ==الخير يحكـم فيـه والظـن تهديـف
ومن يدعي بكمالت العـرف مانـاف ==ومن عاف فكر الناس في فكرهم عيف
وأنا سبب تكوين فكري ها لاوصاف ==ماهو طرب ولا بعـد زود تصنيـف
لي صاحبٍ يحسد عواريض الأصداف ==سمعت علم عنـه مكـروه ومخيـف
يا سعود شفي كان ردت للأشفـاف ==علم ينظف مخـزن الشـك تنظيـف

م/ن